అక్షరటుడే, వెబ్డెస్క్ : Peddi Trolling | మెగా పవర్ స్టార్ రామ్ చరణ్ హీరోగా తెరకెక్కిన భారీ పాన్ ఇండియా చిత్రం ‘పెద్ది’ విడుదలకు సిద్ధమవుతున్న వేళ సోషల్ మీడియా (Social Media)లో ఈ సినిమాపై జరుగుతున్న నెగిటివ్ ప్రచారం హాట్ టాపిక్గా మారింది. చిత్రాన్ని ఉద్దేశపూర్వకంగా ట్రోల్ చేస్తూ, తప్పుడు ప్రచారం నిర్వహిస్తున్న కొందరిపై ‘పెద్ది’ చిత్ర యూనిట్ పోలీసులకు అధికారికంగా ఫిర్యాదు చేసింది.
వచ్చే వారం ప్రపంచవ్యాప్తంగా విడుదల కానున్న ఈ చిత్రంపై గత కొన్ని వారాలుగా సోషల్ మీడియాలో అనుమానాస్పద రీతిలో ప్రతికూల ప్రచారం జరుగుతోందని చిత్ర యూనిట్ గుర్తించింది. ముఖ్యంగా ఇన్స్టాగ్రామ్, ఎక్స్ (ట్విట్టర్) వంటి సోషల్ మీడియా వేదికలపై కొందరు ఫేక్ అకౌంట్ల ద్వారా సినిమాపై నెగిటివ్ క్యాంపెయిన్ నిర్వహిస్తున్నట్లు ఆరోపణలు వచ్చాయి.
Peddi Trolling | నెగెటివ్ అభిప్రాయం కలిగించే ప్రయత్నం…
ఈ నేపథ్యంలో హైదరాబాద్, గుంటూరు ప్రాంతాలకు చెందిన ఇద్దరు వ్యక్తులపై పోలీసులు ఎఫ్ఐఆర్లు నమోదు చేసినట్లు సమాచారం. ట్రోలింగ్కు పాల్పడుతున్న పలు సోషల్ మీడియా ఖాతాలను గుర్తించిన చిత్ర నిర్మాతలు, వారిపై చట్టపరమైన చర్యలు ప్రారంభించినట్లు తెలుస్తోంది. సినిమా విడుదలకు ముందే కావాలనే దుష్ప్రచారం చేసి ప్రేక్షకుల్లో నెగిటివ్ అభిప్రాయం కలిగించే ప్రయత్నం జరుగుతోందని చిత్ర యూనిట్ వర్గాలు ఆరోపిస్తున్నాయి. గత కొన్ని వారాలుగా ఆన్లైన్లో జరుగుతున్న పోస్టులు, కామెంట్లు, ట్రెండ్స్ను ప్రత్యేకంగా మానిటర్ చేస్తూ సాక్ష్యాలను సేకరించిన తర్వాతే పోలీసులను ఆశ్రయించినట్లు సమాచారం.
Peddi Trolling | సోషల్ మీడియాలో నెగిటివ్ ట్రెండ్
‘పెద్ది’ చిత్రానికి సంబంధించిన ప్రమోషన్స్ ప్రస్తుతం దేశవ్యాప్తంగా జోరుగా సాగుతున్నాయి. దర్శకుడు బుచ్చిబాబు సానా తెరకెక్కించిన ఈ స్పోర్ట్స్ యాక్షన్ డ్రామాపై భారీ అంచనాలు నెలకొన్నాయి. ఇప్పటికే విడుదలైన టీజర్, ట్రైలర్, పాటలు మంచి స్పందన తెచ్చుకున్నప్పటికీ.. మరోవైపు సోషల్ మీడియాలో నెగిటివ్ ట్రెండ్ నడవడం చర్చనీయాంశంగా మారింది. ఇటీవల స్టార్ హీరోల సినిమాల విషయంలో సోషల్ మీడియాలో ఫ్యాన్ వార్స్, ట్రోలింగ్, బాయ్కాట్ ట్రెండ్స్ పెరుగుతున్న నేపథ్యంలో.. ‘పెద్ది’ యూనిట్ తీసుకున్న ఈ లీగల్ యాక్షన్ ఇప్పుడు ఇండస్ట్రీలో హాట్ టాపిక్గా మారింది. సినిమా విడుదలకు ముందు ఇలాంటి ఆర్గనైజ్డ్ ట్రోలింగ్ను అరికట్టేందుకు కఠిన చర్యలు తీసుకోవాల్సిన అవసరం ఉందని సినీ వర్గాలు అభిప్రాయపడుతున్నాయి.
ఇది కూడా చదవండి..: Ram Charan Comments | పెళ్లికి ముందు ‘పెద్ది’ చేసి ఉంటే ఇంకా మంచి సంబంధం వచ్చేది.. ఉపాసన ముందే రామ్ చరణ్ సరదా కామెంట్స్ !
