June 01 Market Analysis | లాభాల్లో గ్లోబల్ మార్కెట్లు.. ఫ్లాట్ ఓపెనింగ్ ను సూచిస్తున్న గిఫ్ట్ నిఫ్టీ

అక్షరటుడే, వెబ్‌డెస్క్‌: June 01 Market Analysis | అమెరికా – ఇరాన్ శాంతి ఒప్పందంపై అనిశ్చితి కొనసాగుతున్నా.. క్రూడ్ ఆయిల్ ధరలు అదుపులో ఉండడంతో ఇన్వెస్టర్ల సెంటిమెంట్ పాజిటివ్‌గా ఉంది. గత సెషన్‌లో వాల్‌స్ట్రీట్ లాభాలతో ముగియగా.. యూరోపియన్ మార్కెట్లు మిశ్రమంగా ముగిశాయి.

ప్రధాన ఆసియా మార్కెట్లు సోమవారం ఉదయం లాభాలతో కొనసాగుతున్నాయి. ప్రపంచ మార్కెట్ల నుంచి అందుతున్న సానుకూల సంకేతాల నేపథ్యంలో భారత స్టాక్ మార్కెట్‌లో బెంచ్‌మార్క్ సూచీలైన సెన్సెక్స్, నిఫ్టీ నూతన వారాన్ని ఫ్లాట్ టు పాజిటివ్ గా ప్రారంభించే అవకాశాలు ఉన్నాయి.

June 01 Market Analysis | యూఎస్ మార్కెట్లు..

టెక్ షేర్ల ర్యాలీతో అమెరికా స్టాక్ మార్కెట్ సూచీలు శుక్రవారం రికార్డు స్థాయి ముగింపును నమోదు చేసింది. గత సెషన్‌లో నాస్‌డాక్ 0.20 శాతం, ఎస్ అండ్ పీ 0.22 శాతం పెరిగాయి. సోమవారం ఉదయం డౌజోన్స్ ఫ్యూచర్స్ 0.14 శాతం లాభంతో ఉంది.

June 01 Market Analysis | యూరోప్ మార్కెట్లు..

జర్మనీకి చెందిన డీఏఎక్స్ 0.05 శాతం పెరగ్గా.. యూకేకు చెందిన ఎఫ్టీఎస్ఈ 0.16 శాతం, ఫ్రాన్స్‌కు చెందిన సీఏసీ 0.07 శాతం నష్టపోయాయి.

June 01 Market Analysis | ఆసియా మార్కెట్లు..

ప్రధాన ఆసియా మార్కెట్లు మిక్స్‌డ్‌గా ఉన్నాయి. ఉదయం 8 గంటల ప్రాంతంలో సౌత్ కొరియాకు చెందిన కోస్పీ 4.39 శాతం, తైవాన్ స్టాక్ ఎక్స్ఛేంజ్ 1.85 శాతం, సింగపూర్‌కు చెందిన స్ట్రెయిట్ టైమ్స్ 0.97 శాతం, జపాన్‌కు చెందిన నిక్కీ 0.93 శాతం, హాంగ్‌కాంగ్‌కు చెందిన హాంగ్‌సెంగ్ 0.75 శాతం, చైనాకు చెందిన షాంఘై 0.55 శాతం లాభాలతో కదలాడుతున్నాయి. గిఫ్ట్ నిఫ్టీ, నిఫ్టీ 0.15 శాతం లాభంతో ఉండడంతో మన మార్కెట్లు ఫ్లాట్ టు పాజిటివ్‌గా ప్రారంభమయ్యే అవకాశాలున్నాయి.

గమనించాల్సిన అంశాలు..

• ఎఫ్ఐఐలు వరుసగా 3వ సెషన్‌లోనూ నికర అమ్మకందారులుగా ఉన్నారు. గత సెషన్‌లో నికరంగా రూ. 21,105 కోట్ల విలువైన స్టాక్స్ విక్రయించారు.
• డీఐఐలు 9వ సెషన్‌లోనూ నికర కొనుగోలుదారులుగా ఉన్నారు. గత సెషన్‌లో నికరంగా రూ. 16,764 కోట్ల విలువైన స్టాక్స్ కొన్నారు.
• నిఫ్టీ పుట్‌కాల్ రేషియో 1.02 నుంచి 0.74 కు తగ్గింది.
• విక్స్ 8.03 శాతం పెరిగి 16.18 వద్ద ఉంది.
• బ్రెంట్ క్రూడ్ ఆయిల్ ధర బ్యారెల్‌కు 2.44 శాతం పెరిగి 93.35 డాలర్ల వద్ద ఉంది.
• డాలర్‌తో రూపాయి మారకం విలువ 67 పైసలు బలపడి 95.03 వద్ద ఉంది.
• యూఎస్ డాలర్ ఇండెక్స్ 99.05 వద్ద, పదేళ్ల బాండ్ ఈల్డ్ 4.47 వద్ద ఉన్నాయి.

ఆర్‌బీఐ ద్రవ్య విధానం, అమెరికా -ఇరాన్ శాంతి చర్చలు, ముడి చమురు ధరల కదలిక, హార్ముజ్ జలసంధి ద్వారా జరిగే షిప్పింగ్ కార్యకలాపాలు, విదేశీ సంస్థాగత ఇన్వెస్టర్ల పెట్టుబడులు ఈ వారం మార్కెట్ ను ప్రభావితం చేసే అవకాశాలున్నాయి.

Japan Population Crisis | సూర్యుడు ఉదయించే దేశంలో.. శృంగార అస్తమయం!