అక్షరటుడే, వెబ్డెస్క్ : Group Singing Trend | ఇప్పటి యువత, ముఖ్యంగా జెన్-జీ, ఎప్పటికప్పుడు కొత్త ట్రెండ్స్ను సృష్టిస్తూ సమాజంలో తమదైన ముద్ర వేస్తున్నారు. సోషల్ మీడియా, డిజిటల్ ప్రపంచం (Digital World)లో ఎక్కువ సమయం గడిపే ఈ తరం… ఇప్పుడు రియల్ లైఫ్లో కలిసి ఆనందాన్ని పంచుకునే కొత్త ట్రెండ్ను తెచ్చింది.
అదే… అందరూ ఒకేచోట చేరి పాటలు పాడుకోవడం. ఇది కేవలం పాటలు పాడటం మాత్రమే కాదు… ఒక అనుభూతి. స్ట్రెస్తో నిండిన రోజువారీ జీవితంలో నుంచి కాసేపు రిలీఫ్ తీసుకోవడానికి యువత ఈ మార్గాన్ని ఎంచుకుంటోంది. ఫ్రెండ్స్, పరిచయస్తులు, కొన్నిసార్లు పూర్తిగా తెలియని వ్యక్తులు కూడా ఒకేచోట చేరి… ఇష్టమైన పాటలు పాడుతూ, మ్యూజిక్ను ఎంజాయ్ చేస్తూ గడుపుతున్నారు.
Group Singing Trend | క్షణాలలో స్నేహితులుగా..
ఈ ట్రెండ్కు ముఖ్య కారణం ‘కమ్యూనిటీ ఫీలింగ్’. ప్రస్తుతం చాలా మంది సోషల్ మీడియాలోనే ఎక్కువగా కనెక్ట్ అవుతున్నారు. కానీ నిజ జీవితంలో అలాంటి బాండింగ్ తగ్గిపోతున్నది. ఈ పరిస్థితిని మార్చేందుకు జెన్-జీ ఈ కల్చర్ను ముందుకు తీసుకొచ్చింది. ఒకే పాటను కలిసి పాడటం ద్వారా అపరిచితులు కూడా క్షణాల్లో స్నేహితులుగా మారుతున్నారు. ఈ మధ్య హైదరాబాద్ (Hyderabad)లో ఈ ‘గ్రూప్ సింగింగ్’ ఎక్కువగా కనిపిస్తోంది. ఎవరైనా ఒకరు గిటార్ లేదా ఇతర వాద్యాన్ని ప్లే చేస్తే… మిగతావాళ్లు పాటలో కలుస్తారు. కొన్నిసార్లు మ్యూజిక్ లేకుండా కూడా కేవలం గొంతులతోనే పాటలు పాడుతూ వాతావరణాన్ని సందడిగా మార్చేస్తున్నారు.
మరో ముఖ్య అంశం… ఇది ‘నో జడ్జ్మెంట్ జోన్’. ఎవరు ఎలా పాడినా, ఎంత బాగా పాడినా, ఎంత తక్కువగా పాడినా… ఎవరూ విమర్శించరు. ప్రతి ఒక్కరిని ప్రోత్సహించే వాతావరణం ఉంటుంది. దీంతో చాలా మంది తమలో దాగి ఉన్న టాలెంట్ను బయటకు తీసుకురాగలుగుతున్నారు.సైకాలజిస్టుల అభిప్రాయం ప్రకారం, కలిసి పాటలు పాడటం మానసిక ఆరోగ్యానికి కూడా ఎంతో మంచిది. ఇది స్ట్రెస్ను తగ్గించడమే కాకుండా, హ్యాపీనెస్ హార్మోన్లను పెంచుతుందని చెబుతున్నారు. అంతేకాదు… ఈ విధమైన కార్యకలాపాలు ఒంటరితనాన్ని తగ్గించి, పాజిటివ్ ఎనర్జీ (Positive Energy)ని పెంచుతాయి.
Group Singing Trend | వీడియోలు కూడా విపరీతంగా వైరల్
సోషల్ మీడియా (Social media)లో ఈ ట్రెండ్కు సంబంధించిన వీడియోలు కూడా విపరీతంగా వైరల్ అవుతున్నాయి. ఒక చిన్న గ్రూప్గా మొదలైన ఈ కాన్సెప్ట్… ఇప్పుడు పెద్ద కమ్యూనిటీ ఈవెంట్స్గా మారుతోంది. కొన్ని నగరాల్లో అయితే ప్రతి వారం ప్రత్యేకంగా ‘సింగింగ్ మీట్అప్స్’ కూడా నిర్వహిస్తున్నారు. జెన్-జీ తీసుకొచ్చిన ఈ ట్రెండ్ కేవలం ఎంటర్టైన్మెంట్కే పరిమితం కాదు. ఇది మనుషులను కలుపుతున్న ఒక కొత్త భాషగా మారుతోంది. సంగీతం అనే ఒకే తంతిలో అందరినీ కట్టిపడేస్తూ… కొత్త అనుబంధాలను సృష్టిస్తోంది. భవిష్యత్తులో ఈ ట్రెండ్ మరింత విస్తరించి, సమాజంలో పాజిటివ్ మార్పులకు దారితీయవచ్చని చెప్పవచ్చు.
ఇది కూడా చదవండి..: Defence Liquor Seizure | రూ.10 లక్షల విలువైన డిఫెన్స్ మద్యం పట్టివేత
