తెలంగాణPonnam Prabhakar Counter | తెలంగాణ మా అయ్య జాగీరే.. పవన్​కు పొన్నం కౌంటర్​

Ponnam Prabhakar Counter | తెలంగాణ మా అయ్య జాగీరే.. పవన్​కు పొన్నం కౌంటర్​

ఏపీ ఉప ముఖ్యమంత్రి పవన్​ కల్యాణ్​కు మంత్రి పొన్నం ప్రభాకర్​ కౌంటర్​ ఇచ్చారు. ‘మిస్టర్‌ పవన్‌ కల్యాణ్‌ తెలంగాణ మా అయ్య జాగీరే’ అన్నారు.

అక్షరటుడే, వెబ్​డెస్క్ : Ponnam Prabhakar Counter | ఏపీ ఉప ముఖ్యమంత్రి పవన్​ కల్యాణ్ (Pavan Kalyan)​కు మంత్రి పొన్నం ప్రభాకర్​ కౌంటర్​ ఇచ్చారు. మిస్టర్‌ పవన్‌ కల్యాణ్‌ తెలంగాణ మా అయ్య జాగీరే.. 4 కోట్ల మంది జాగీరి తెలంగాణ అన్నారు.

పవన్​ మంగళవారం హైదరాబాద్​ (Hyderabad)లోని తన నివాసంలో విలేకరులతో మాట్లాడిన విషయం తెలిసిందే. తన సభకు అనుమతి ఇవ్వకపోవడంపై ఆయన ఆగ్రహం వ్యక్తం చేశారు. తెలంగాణ నడిబొడ్డునే జనసేన జన్మించిందని గుర్తుచేసిన ఆయన.. “తెలంగాణలో జనసేన ఎందుకు?” అని ప్రశ్నించే విమర్శకులపై తీవ్రస్థాయిలో విరుచుకుపడ్డారు. తాను తెలంగాణకు వస్తే అడ్డుకుంటామంటూ కొందరు చేస్తున్న వ్యాఖ్యలపై పవన్ ఆగ్రహం వ్యక్తం చేశారు. “తెలంగాణ ఏమైనా మీ అయ్య జాగీరా?” అని ప్రశ్నించారు. ఈ వ్యాఖ్యలకు కాంగ్రెస్​ నేతలు స్పందించారు.

Ponnam Prabhakar Counter | పెయిడ్ ఆర్టిస్ట్​

మంత్రి పొన్నం ప్రభాకర్​ మాట్లాడుతూ.. పవన్‌ కల్యాణ్‌ మాటల్లో అహంకారం కనిపించిందన్నారు. తెలంగాణపై ఇంత అక్కసు ఎందుకన్నారు. పవన పెయిడ్‌ ఆర్టిస్ట్ అని విమర్శించారు. 4 నెలల క్రితం గెస్టుగా పవన్‌ కల్యాణ్‌ను ప్రభుత్వం ఆహ్వానించిందని గుర్తు చేశారు. ఆంధ్రలోనే గెలవలేదు, ఇక్కడికి వచ్చి ఏం చేస్తావ్‌ అని ఎద్దేవా చేశారు. తెలంగాణ ఆత్మగౌరవాన్ని దెబ్బతీసే ప్రయత్నం చేయొద్దని హెచ్చరించారు.

pavan

Ponnam Prabhakar Counter | ఇక్కడేం పీకుతావు

ఈ ప్రాంతం మా తండ్రి, తాతల జాగీరు అని పొన్నం అన్నారు. తనకు ఏపీలోనే దిక్కు లేదని పవన్‌ అంగీకరించారని పేర్కొన్నారు. తెలంగాణకు ఎప్పుడైనా మద్దతిచ్చారా అని ప్రశ్నించారు. అమరవీరులకు ఏనాడైనా అండగా నిలిచారా అన్నారు. ‘‘నువ్వే అన్నావు కదా ఏపీలోనే పీకలేక పోతున్న.. ఇక్కడేం పీకుతా అని మళ్లీ ఎందుకు ఇదంతా”అని సెటైర్లు వేశారు. బీజేపీ వాళ్ళు ఎవరో స్క్రిప్ట్ సరిగ్గా రాసి ఇవ్వడంలేదన్నారు.

Ponnam Prabhakar Counter | గుజరాత్​లో పోటీ చేయు

anirudh

జడ్చర్ల ఎమ్మెల్యే అనిరుధ్​రెడ్డి (Anirudh Reddy) మాట్లాడుతూ.. అమిత్‌షాపై ప్రేముంటే గుజరాత్‌లో పోటీచేయాలని పవన్​కు సూచించారు. డిప్యూటీ సీఎం అయ్యాక హైదరాబాద్‌లో ఎన్ని రోజులు ఉన్నావు, ఏపీలో ఎన్ని రోజులు ఉన్నావని ప్రశ్నించారు. తెలంగాణ నరదిష్టి అని ఇందుకోసమే మాట్లాడారు కావొచ్చని మండి పడ్డారు. ఓజీ, ఉస్తాద్‌ భగత్‌సింగ్‌ ఫ్లాప్‌ అయ్యాయని, ఆ డిప్రెషన్‌లోనే పవన్‌ మాట్లాడుతున్నారని ఎద్దేవా చేశారు. పవన్ గురించి మాట్లాడే అర్హత తనకు లేదని కొందరు అంటున్నట్లు ఆయన పేర్కొన్నారు. అయితే తాను జడ్చర్లలో పోటీ చేసిన మొదటిసారే ఎమ్మెల్యేగా గెలిచానని, పవన్ లాగా పోటీ చేసిన రెండు స్థానాల్లో ఓడిపోలేదన్నారు. ఏపీ ప్రజలు గెలిపిస్తే వాళ్ళను వదిలేసి తెలంగాణలో ఉంటున్నారని పవన్​పై మండిపడ్డారు.

 

దీనిని కూడా చదవండి : Pawan Kalyan Press Meet | తెలంగాణ మీ అయ్య జాగీరా?: విమర్శకులపై కల్యాణ్ పవర్ ఫైర్

Srinivas Kolluri
Srinivas Kollurihttps://aksharatodaynews.com/
తెలుగు మీడియాలో 9 ఏళ్ల అనుభవం ఉంది. 2016లో సాక్షి జర్నలిజం స్కూల్​లో చేరాను. అనంతరం సాక్షి దినపత్రిక కరీంనగర్​, నిజామాబాద్​ డెస్క్​లలో సబ్​ ఎడిటర్​గా పని చేశాను. 2025 ఫిబ్రవరి నుంచి ‘అక్షరటుడే’లో అసిస్టెంట్​ చీఫ్​ సబ్​ ఎడిటర్​గా విధులు నిర్వహిస్తున్నాను. జాతీయ, అంతర్జాతీయ, రాజకీయ, సినిమా, క్రీడ, క్రైమ్​ ఆర్టికల్స్ రాస్తుంటాను.

LEAVE A REPLY

Please enter your comment!
Please enter your name here

Share post:

Popular

More like this
Related

Germany Transit Visa | భారతీయులకు జర్మనీ బంపర్ ఆఫర్: ఇకపై ఎయిర్‌పోర్ట్ ట్రాన్సిట్ వీసా లేకుండానే..

అక్షరటుడే, వెబ్‌డెస్క్‌: Germany Transit Visa | అంతర్జాతీయ ప్రయాణాలు చేసే భారతీయులకు...

Super El Nino | భూగోళాన్ని భయపెడుతున్న ‘సూపర్ ఎల్ నినో’: భారత్​పై ఎలాంటి ప్రభావం చూపనుందంటే..

అక్షరటుడే, వెబ్‌డెస్క్‌: Super El Nino | ప్రపంచ వాతావరణాన్ని సమూలంగా...

Chain Snatcher Arrest | ఈ చైన్​ స్నాచర్ మామూలోడు కాదు సుమా​.. 180 కేసుల్లో నిందితుడు!

అక్షరటుడే, వెబ్‌డెస్క్‌: Chain Snatcher Arrest | ఉభయ తెలుగు రాష్ట్రాల్లో...

Iran Nuclear Negotiations | అణు చర్చలకు ఇరాన్ సుముఖత: అమెరికా విదేశాంగ మంత్రి మార్కో

అక్షరటుడే, వెబ్‌డెస్క్‌: Iran Nuclear Negotiations | తమ అణు కార్యక్రమానికి...