అక్షరటుడే, వెబ్డెస్క్: Stock Market Today | పశ్చిమాసియాలో ఉద్రిక్తతలు, క్రూడ్ ఆయిల్ ధర పెరుగుదల, ద్రవ్యోల్బణంపై ఆందోళనలు ఉన్నప్పటికీ రిజర్వ్ బ్యాంక్ ఆఫ్ ఇండియా (Reserve Bank of India) కీలక వడ్డీ రేట్లను యథాతథంగా ఉంచాలని నిర్ణయించింది. ఈ నిర్ణయం వెలువడిన తర్వాత దేశీయ స్టాక్ మార్కెట్ లో బెంచ్మార్క్ ఈక్విటీ సూచీలైన సెన్సెక్స్, నిఫ్టీలలో ఒడిదుడుకులు పెరిగాయి.
Stock Market Today | నష్టాలలో ప్రారంభమై..
దేశీయ స్టాక్ మార్కెట్ (Domestic Stock Market) శుక్రవారం లాభాలతో ప్రారంభమైంది. ఉదయం సెన్సెక్స్ 269 పాయింట్ల లాభంతో ప్రారంభమై మరో 88 పాయింట్లు పెరిగింది. ఇంట్రాడే గరిష్టాలనుంచి 600 పాయింట్లు కోల్పోయింది. నిఫ్టీ 63 పాయింట్ల లాభంతో ప్రారంభమై మరో 37 పాయింట్లు ఎగబాకింది. ఇంట్రాడే గరిష్టాలనుంచి 185 పాయింట్లు నష్టపోయింది. ఉదయం 11.40 గంటల ప్రాంతంలో సెన్సెక్స్ 82 పాయింట్ల లాభంతో 74,442 వద్ద, నిఫ్టీ 13 పాయింట్ల నష్టంతో 23,429 వద్ద ఉన్నాయి.
Stock Market Today | మిక్స్డ్గా సూచీలు..
నిఫ్టీ (Nifty) మీడియా ఇండెక్స్ 2.82 శాతం, రియాలిటీ 1.64 శాతం, కన్జూమర్ డ్యూరెబుల్స్ 0.72 శాతం, ఫైనాన్షియల్ సర్వీసెస్ 0.71 శాతం, యుటిలిటీ 0.68 శాతం, బ్యాంక్ నిఫ్టీ 0.57 శాతం క్యాపిటల్ గూడ్స్ ఇండెక్స్ 0.57 శాతం లాభాలతో ఉండగా.. మెటల్ ఇండెక్స్ 0.95 శాతం, టెలికాం 0.79 శాతం, ఎనర్జీ 0.54 శాతం, ఐటీ సూచీ 0.52 శాతం నష్టాలతో కదలాడుతున్నాయి.
Top Gainers : బీఎస్ఈ సెన్సెక్స్లో 17 స్టాక్స్ లాభాలతో, 13 స్టాక్స్ నష్టాలతో ట్రేడ్ అవుతున్నాయి. బజాజ్ ఫైనాన్స్ 3.33 శాతం, హెచ్యూఎల్ 1.56 శాతం, అదానీపోర్ట్స్ 1.54 శాతం, ఎటర్నల్ 1.16 శాతం, ఆసియన్ పెయింట్ 1.03 శాతం లాభాలతో ఉన్నాయి.
Top Losers : ట్రెంట్ 2.76 శాతం, టాటా స్టీల్ 1.95 శాతం, హెచ్సీఎల్ టెక్ 1.18 శాతం, ఇండిగో 0.88 శాతం, ఎన్టీపీసీ 0.79 శాతం నష్టాలతో ఉన్నాయి.
ఇది కూడా చదవండి..: Flex Fuel WagonR | మారుతి వ్యాగన్ ఆర్ కొత్త చరిత్ర!.. దేశంలోనే తొలి ఫ్లెక్స్ ఫ్యుయల్ కారుగా రికార్డు
