అక్షరటుడే వెబ్డెస్క్: Peddi Box Office | మెగా పవర్ స్టార్ రామ్ చరణ్ కథానాయకుడిగా రూపొందిన తాజా చిత్రం ‘పెద్ది’ బాక్సాఫీస్ వద్ద కలెక్షన్ల వర్షం కురిపిస్తోంది. జూన్ 4న ప్రపంచవ్యాప్తంగా థియేటర్లలోకి వచ్చిన ఈ సినిమా, మొదటి ఆట నుంచే ప్రేక్షకులను విశేషంగా ఆకట్టుకుంటూ దూసుకుపోతోంది. ఈ నేపథ్యంలో చిత్ర బృందం సినిమాకు సంబంధించిన మొదటి మూడు రోజుల అధికారిక వసూళ్ల వివరాలను తాజాగా ప్రకటించింది.
Peddi Box Office | మూడు రోజుల్లోనే రూ. 200 కోట్ల మార్క్ క్రాస్..
ప్రపంచవ్యాప్తంగా ‘పెద్ది’ చిత్రం కేవలం మూడు రోజుల్లోనే రూ. 236.7 కోట్లకు పైగా గ్రాస్ వసూళ్లను సాధించినట్లు మేకర్స్ ఒక ప్రత్యేక పోస్టర్ ద్వారా అధికారికంగా వెల్లడించారు. ఈ భారీ కలెక్షన్లతో సినిమా విడుదలైన అతి తక్కువ సమయంలోనే రూ. 200 కోట్ల మైలురాయిని చాలా సులువుగా దాటేసింది.
Peddi Box Office | టార్గెట్ రూ. 300 కోట్లు..
ప్రస్తుతం థియేటర్ల వద్ద కనిపిస్తున్న విపరీతమైన క్రేజ్, కలెక్షన్ల జోరును బట్టి చూస్తే, ఈ చిత్రం నాలుగో రోజు నాటికే రూ. 300 కోట్ల క్లబ్లోకి అడుగుపెట్టడం ఖాయమని ట్రేడ్ విశ్లేషకులు అంచనా వేస్తున్నారు. లాంగ్ రన్లో ఈ సినిమా మెగా పవర్ స్టార్ కెరీర్లోనే మరిన్ని భారీ రికార్డులను సృష్టించే అవకాశం ఉందని సినీ వర్గాలు భావిస్తున్నాయి.
Peddi Box Office | భారీ తారాగణం..
బుచ్చిబాబు సనా దర్శకత్వంలో ఒక వినూత్న స్పోర్ట్స్ డ్రామాగా తెరకెక్కిన ఈ చిత్రంలో రామ్ చరణ్ సరసన జాన్వీ కపూర్ కథానాయికగా నటించింది. వృద్ధి సినిమాస్ బ్యానర్పై రూపొందిన ఈ సినిమాలో కన్నడ స్టార్ శివరాజ్ కుమార్, జగపతిబాబు, బోమన్ ఇరానీ, దివ్యేందు కీలక పాత్రలు పోషించారు. ఈ చిత్రానికి ఆస్కార్ అవార్డు గ్రహీత ఏఆర్ రెహమాన్ అద్భుతమైన సంగీతాన్ని అందించారు.
మూడో రోజు స్ట్రాంగ్ హోల్డ్ కనబరిచిన పెద్ది
మూడు రోజులకు గాను 236.7 కోట్ల గ్రాస్ కలెక్షన్స్ వసూలు చేసినట్లు ప్రకటించిన టీం
ఈరోజు ఆదివారం కావడంతో కలెక్షన్లు మరింత పెరిగే అవకాశం…#Peddi #PeddiCollections #RamCharan #Tollywood pic.twitter.com/rl4VUgeFfY
— NTV Breaking News (@NTVJustIn) June 7, 2026
ఇది కూడా చదవండి: Fish Prasadam Distribution | హైదరాబాద్లో రేపు చేప ప్రసాదం పంపిణీ
