అక్షరటుడే, కోటగిరి: Bodhan Division Police | ఎస్సైతో తన భార్యకు అక్రమ సంబంధం ఉందని చేసిన ఆరోపణల్లో ఎలాంటి నిజం లేదని ఇటీవల ఓ వీడియో విడుదల చేసిన హోంగార్డు (home guard) పేర్కొన్నాడు. ఈ మేరకు ఆదివారం వీడియో విడుదల చేశాడు.
Bodhan Division Police | అసలేం జరిగిందంటే..
బోధన్ డివిజన్లో(Bodhan division) పనిచేసే ఓ హోంగార్డు ఇటీవల ఓ వీడియో విడుదల చేశాడు. ఎస్సై తనను వేధిస్తున్నాడని.. తనపై కక్షతో దూరప్రాంతాలకు డ్యూటీలు వేయించేవాడని అందులో పేర్కొన్నాడు. సదరు ఎస్సై తన ఇంట్లో గిన్నెలు తోమించేవాడని.. కాళ్లు సైతం ఒత్తించుకునేవాడని అందులో వాపోయాడు. తన భార్యకు తనకు గొడవ జరిగితే ఓ రోజు పోలీస్స్టేషన్కు (Police station) వచ్చిందని.. అప్పటినుంచి నాపై కక్షతో నా భార్యతో అక్రమ కేసులు పెట్టిస్తున్నాడని ఆవేదన వ్యక్తం చేశాడు. ఆ క్రమంలో తనను దూరప్రాంతాలకు డ్యూటీలు వేసి ఆ సమయంలో తన భార్యను ఎస్సై ఇంటికి తీసుకెళ్లేవాడని పేర్కొన్నాడు. వారి మధ్య వివాహేతర సంబంధం కొనసాగుతోందని తీవ్రమైన ఆరోపణలు చేశాడు. అయితే తాజాగా విడుదల చేసిన వీడియోలో సదరు హోంగార్డు మాట్లాడుతూ.. తాను చేసిన ఆరోపణల్లో నిజం లేదని.. తన భార్యకు ఎస్సైతో ఎలాంటి సంబంధం లేదని వివరణ ఇచ్చాడు.
ఇది కూడా చదవండి: Surat Gas Leak | జ్యువెలరీ ఫ్యాక్టరీలో విషవాయువు లీక్.. ట్యాంక్ క్లీన్ చేస్తూ నలుగురు మృతి
