అక్షరటుడే, భీమ్గల్ (ఏర్గట్ల): Alumni Reunion | మండలంలోని(Bheemgal) తాళ్లరాంపూర్ జిల్లా పరిషత్ ఉన్నత పాఠశాల (Tallarampur ZPHS) 1991-92 బ్యాచ్ పదో తరగతి పూర్వ విద్యార్థుల ఆత్మీయ సమ్మేళనం నిర్వహించారు. గ్రామ శివారులోని ఓ ఫంక్షన్ హాల్లో కార్యక్రమం జరిగింది.
Alumni Reunion | దశాబ్దాల తర్వాత..
దశాబ్దాల కాలం తర్వాత చిన్ననాటి మిత్రులంతా (Former Students) ఒకే వేదికపై కలవడంతో అక్కడ పండుగ వాతావరణం నెలకొంది. ఈ సందర్భంగా వారు ఒకరినొకరు ఆలింగనం చేసుకుని, తమ పాఠశాల రోజుల్లోని మధుర జ్ఞాపకాలను, చిలిపి చేష్టలను గుర్తుచేసుకుంటూ మురిసిపోయారు. తమకు క్రమశిక్షణతో కూడిన విద్యాబుద్ధులు నేర్పి, జీవితంలో ఉన్నత స్థానాల్లో నిలబెట్టిన గురువులను పూర్వ విద్యార్థులు ఈ వేదికపై ఘనంగా సత్కరించి, వారి ఆశీస్సులు తీసుకున్నారు. అలాగే, తమతో పాటు చదువుకుని, ప్రస్తుతం ఆరోగ్య శాఖలో(Health Department) డివిజన్ స్థాయిలో ఉన్నతాధికారిగా సేవలందిస్తున్న డాక్టర్ రవీందర్ను తోటి విద్యార్థులంతా కలిసి ఘనంగా సన్మానించారు. ఈ కార్యక్రమంలో పూర్వ విద్యార్థులు గంగాసాగర్, గణేష్, నరేందర్, రాజారామ్ యాదవ్, ప్రభాకర్, నర్మద, అరుంధతి తదితరులు పాల్గొన్నారు.
ఇది కూడా చదవండి: Niloufer Hospital Attack | నిలోఫర్ హాస్పిటల్లో పీజీ డాక్టర్పై దాడి.. అరెస్టు చేయాలని డిమాండ్
