అక్షరటుడే, కామారెడ్డి: Shabbir Audio | ప్రభుత్వ సలహాదారు షబ్బీర్ అలీ (Shabbir Ali) క్రమశిక్షణ కమిటీ ఎదుట ఆదివారం హాజరయ్యారు. ఇటీవల వైరల్గా మారిన ఆడియో క్లిప్లపై వివరణ ఇచ్చారు.
Shabbir Audio | ఇటీవల షోకాజ్ నోటీసులు..
కాంగ్రెస్ సీనియర్ నేత, మాజీ మంత్రి షబ్బీర్ అలీ ఆడియో క్లిప్ వ్యవహారంపై ఏఐసీసీ క్రమశిక్షణ కమిటీ శనివారం వివరణ ఇవ్వాలని షబ్బీర్ అలీకి క్రమశిక్షణ కమిటీ లేఖ రాసిన విషయం తెలిసిందే. టీపీసీసీ(TPCC) చీఫ్ మహేశ్ కుమార్ గౌడ్ (Bomma mahesh kumar Goud) డబ్బులు తీసుకొని పదవులు అమ్ముకుంటున్నారని, మహిళలను కించపరిచేలా షబ్బీర్ అలీ మాట్లాడినట్లు ఓ ఆడియో లీక్ కావడంపై వివరణ ఇవ్వాలని కమిటీ ఆదేశించింది. దీనిపై స్పందించిన షబ్బీర్ అలీ ఆ ఆడియో క్లిప్ పూర్తిగా నకిలీదని, కల్పితమైనదని కొట్టిపారేశారు.
అవాస్తవాలు ప్రచారం చేస్తున్న వారిపై చట్టపరమైన చర్యలకు న్యాయ సలహాలు తీసుకుంటున్నట్లు తెలిపారు. క్రమశిక్షణ కమిటీ వివరణ కోరకముందే తాను పోలీసులకు ఫిర్యాదు చేశానని వెల్లడించారు. తన ప్రతిష్టను దెబ్బతీసేందుకు, కాంగ్రెస్ పార్టీని బలహీనపర్చేందుకు కుట్ర జరుగుతోందని ఆరోపించారు.
