అక్షరటుడే, న్యూఢిల్లీ: Xi Jinping India Visit | భారత్లో ఈ ఏడాది సెప్టెంబర్లో జరగనున్న BRICS సదస్సులో పాల్గొనేందుకు చైనా అధ్యక్షుడు షీ జిన్పింగ్ పర్యటించనున్నారు. ఈ సదస్సు సెప్టెంబర్ 12, 13 తేదీల్లో న్యూఢిల్లీ (New Delhi)లో జరగనుంది. అయితే, జిన్పింగ్ పర్యటనకు సంబంధించి ఇంకా ఎటువంటి అధికారిక ప్రకటన లేదా వివరాలు వెలువడలేదు. 2020 గల్వాన్ సరిహద్దు ఘర్షణల తర్వాత చైనా అధ్యక్షుడు భారత్ను సందర్శించడం ఇదే మొదటిసారి కానుంది. జిన్పింగ్తో పాటు రష్యా అధ్యక్షుడు వ్లాదిమిర్ పుతిన్ కూడా ఈ BRICS సదస్సుకు హాజరుకానున్నారు.
Xi Jinping India Visit | 2019లో చివరిసారిగా భారత్కు..
జిన్పింగ్ చివరిసారిగా అక్టోబర్ 2019లో భారత్ను సందర్శించారు. అప్పుడు ఆయన ప్రధాని నరేంద్ర మోదీతో రెండో అనధికారిక శిఖరాగ్ర సమావేశం కోసం తమిళనాడుకు వచ్చారు. అయితే, ఆయన పర్యటన జరిగిన ఆరు నెలలకే లడఖ్లోని భారత భూభాగంలోకి చైనా చొరబాట్లకు సంబంధించిన వార్తలు వెలుగులోకి వచ్చాయి. 2020 జూన్ 15న గల్వాన్ వద్ద భారత్ మరియు చైనా సైనికుల మధ్య ఘర్షణ జరిగింది. ఈ ఘర్షణల్లో భారత సైన్యానికి చెందిన 20 మంది వీర జవాన్లు ప్రాణాలు కోల్పోగా.. చైనా అధికారికంగా నలుగురు సైనికులను కోల్పోయినట్లు అంగీకరించింది. కానీ, అధికారిక గణాంకాల కంటే పీపుల్స్ లిబరేషన్ ఆర్మీకి జరిగిన ప్రాణనష్టం చాలా ఎక్కువగా ఉందని నివేదికలు వెల్లడించాయి.
Xi Jinping India Visit | గతేడాది SCO సదస్సుకు ముందు ఉన్నత స్థాయి సమావేశం
గతేడాది ఆగస్టులో ఉత్తర చైనా నగరమైన టియాంజిన్లో జరిగిన షాంఘై కో–ఆపరేషన్ ఆర్గనైజేషన్ (SCO) సదస్సుకు ముందు ప్రధాని మోదీ, జిన్పింగ్ ద్వైపాక్షిక చర్చలు జరిపారు. సమావేశానికి విదేశాంగ కార్యదర్శి విక్రమ్ మిస్రి, జాతీయ భద్రతా సలహాదారు (NSA) అజిత్ దోవల్ కూడా హాజరయ్యారు.
ఇది కూడా చదవండి..: Birth Death Bill | లోక్సభలో మరో కీలక బిల్లుకు ఆమోదం !
