అక్షరటుడే, వెబ్డెస్క్: Kondapalli Ganesh Fraud | హైదరాబాద్లో గణేష్ Ganesh లడ్డూ Laddu వేలంలో భారీ మొత్తం వెచ్చించి వార్తల్లో నిలిచిన ఓ వ్యక్తిపై ఇప్పుడు సోషల్ మీడియాలో మరోసారి చర్చ సాగుతోంది.
గణేష్ లడ్డూ పేరుతో పరిచయాలు పెంచుకుని, ఆ తర్వాత పెట్టుబడుల పేరుతో పలువురి నుంచి కోట్ల రూపాయలు వసూలు చేసి మోసానికి పాల్పడ్డాడంటూ పోస్టులు వైరల్ అవుతున్నాయి.
Kavitha’s BC Slogan | బీసీ నినాదం.. అవకాశవాద రాజకీయాల ఓటు బ్యాంక్ గేమ్!
Kondapalli Ganesh Fraud | నెలకు 6 శాతం లాభం వస్తుందంటూ..
వైరల్ పోస్టుల ప్రకారం.. మైహోం భూజా నివాసితులకు లడ్డూలు పంచుతూ పరిచయాలు పెంచుకున్న అనంతరం, నెలకు 6 శాతం లాభం వస్తుందని నమ్మించి పెట్టుబడులు పెట్టించాడని ఆరోపిస్తున్నారు.
ఓ దంపతులు రూ.31 లక్షలు పెట్టుబడి పెట్టారని, లాభాల గురించి అడిగితే మొదట వాయిదాలు వేస్తూ, తర్వాత ఫోన్లకు స్పందించడం మానేశాడని పోస్టుల్లో పేర్కొంటున్నారు.
ఇదే తరహాలో ఐదుగురు నుంచి సుమారు రూ.3.45 కోట్లు వసూలు చేశాడని, రిటైర్డ్ ఉద్యోగుల జీవితకాల పొదుపులు కూడా ఈ వ్యవహారంలో చిక్కుకున్నాయని సోషల్ మీడియాలో ప్రచారం జరుగుతోంది. డబ్బులు తిరిగి రాకపోవడంతో బాధితులు పోలీసులను ఆశ్రయించారని కూడా వైరల్ సందేశాల్లో పేర్కొంటున్నారు.
