అక్షరటుడే, ఎల్లారెడ్డి : Jajala Surender Arrest | ఎల్లారెడ్డి మాజీ ఎమ్మెల్యే జాజాల సురేందర్ను పోలీసులు హౌస్ అరెస్ట్ చేశారు. కామారెడ్డి (Kamareddy)లోని ఆయన స్వగృహంలో పోలీసులు గృహనిర్బంధం చేశారు.
Jajala Surender Arrest | కల్యాణలక్ష్మి, షాదీ ముబారక్ నిలిపేశారని ఆరోపిస్తూ..
జాజాల మాట్లాడుతూ..పేద బిడ్డలకు ఆసరాగా ఉన్న కల్యాణ లక్ష్మి, షాదీ ముబారక్ పథకాలను కాంగ్రెస్ ప్రభుత్వం నిలిపివేసిందన్నారు. దీనిని నిరసిస్తూ లింగంపేట పట్టణంలోని అంబేడ్కర్ చౌరస్తాలో సోమవారం భారీ ధర్నా కార్యక్రమాన్ని నిర్వహించ తలపెట్టామన్నారు. అయితే శాంతియుతంగా ధర్నా చేసేందుకు నిర్ణయిస్తే పోలీసులు ముందస్తుగా గృహ నిర్బంధం చేయడం ఎంత వరకు సమంజసమని మాజీ ఎమ్మెల్యే ప్రశ్నించారు.
Jajala Surender Arrest | ప్రశ్నించే గొంతుకలంటే ఎందుకు భయం..
పథకాల అమలును నిలిపివేశారని నిరసిస్తూ ధర్నా చేయడం కాంగ్రెస్ ప్రభుత్వ హయాంలో నేరంగా పరిగణిస్తున్నారని జాజాల ఆగ్రహం వ్యక్తం చేశారు. లబ్ధిదారుల తరపున నిరసన వ్యక్తం చేసే స్వేచ్ఛ కూడా కాంగ్రెస్ హయాంలో లేకపోవడం విడ్డూరంగా ఉందన్నారు. బీఆర్ఎస్ పార్టీ వర్కింగ్ ప్రెసిడెంట్ కేటీఆర్ ఆదేశాల మేరకు తాము ఈ నిరసన కార్యక్రమం తలపెట్టామన్నారు. పేద ఆడబిడ్డల పెళ్లిళ్లకు ఆర్థిక చేయూతనిచ్చే కల్యాణ లక్ష్మి, షాదీ ముబారక్ పథకాలను కాంగ్రెస్ ప్రభుత్వం నిలిపివేయడాన్ని తాము తీవ్రంగా ఖండిస్తున్నామన్నారు.
ఇది కూడా చదవండి..: PDS Rice Smuggling | పీడీఎస్ బియ్యం అక్రమ రవాణా.. ఇద్దరి అరెస్టు
