అక్షరటుడే, వెబ్డెస్క్ : Bengal BJP Victory | పశ్చిమ బెంగాల్ అసెంబ్లీ ఎన్నికల్లో (Assembly Elections) భారతీయ జనతా పార్టీ జయకేతనం ఎగురవేస్తుందని ప్రధాని నరేంద్ర మోదీ (PM Narendra Modi) ధీమా వ్యక్తం చేశారు. ప్రచారంలో భాగంగా తన చివరి ర్యాలీలో పాల్గొన్న ఆయన, తదుపరిసారి బెంగాల్కు వచ్చేది బీజేపీ ముఖ్యమంత్రి ప్రమాణ స్వీకార కార్యక్రమానికేనని ఆశాభావం వ్యక్తం చేశారు.
Bengal BJP Victory | మే 4న విజయోత్సవం:
ఎన్నికల ఫలితాలు వెలువడే మే 4వ తేదీన రాష్ట్రవ్యాప్తంగా విజయోత్సవాలు జరుపుకుంటామని, మిఠాయిలు పంచుతామని ప్రధాని పేర్కొన్నారు. హెలిప్యాడ్ నుంచి సభా ప్రాంగణం వరకు ప్రజలు భారీ సంఖ్యలో తరలివచ్చి తనను ఆశీర్వదించడంపై ఆయన హర్షం వ్యక్తం చేశారు.
Bengal BJP Victory | దేశ ప్రజలే నా కుటుంబం:
“నాకంటూ ప్రత్యేకంగా కుటుంబం లేదు.. దేశ ప్రజలే నా కుటుంబం” అని మోదీ భావోద్వేగంగా మాట్లాడారు. గత నాలుగు దశాబ్దాలుగా దేశంలోని ప్రతి మూల పర్యటిస్తున్నానని, తనకు ఈ రోడ్షోలే పుణ్యయాత్రలతో సమానమని వ్యాఖ్యానించారు.
Bengal BJP Victory | టీఎంసీపై విమర్శల దాడి:
తృణమూల్ కాంగ్రెస్ తన సొంత నినాదమైన “మా-మాటి-మనుష్”ను మరిచిపోయిందని మోదీ విమర్శించారు. అభివృద్ధిని వదిలేసి దూషణలు, బెదిరింపు రాజకీయాలకు పాల్పడుతోందని మండిపడ్డారు. ముఖ్యంగా మహిళలపై జరుగుతున్న దాడుల విషయంలో టీఎంసీ వైఫల్యాన్ని ఎండగట్టారు. బెంగాల్లో బీజేపీ అధికారంలోకి రాగానే మహిళలపై దాడులకు పాల్పడే నిందితులను కఠినంగా శిక్షిస్తామని ప్రధాని హామీ ఇచ్చారు.
ఇది కూడా చదవండి..: Mamata Banerjee | బెంగాల్లో గెలుపు మాదే.. మమత బెనర్జీ
