అక్షరటుడే, వెబ్డెస్క్ : IIT Bombay Student | బాంబే (Bombay) ఐఐటీలో ఓ విద్యార్థి ఆత్మహత్యకు పాల్పడ్డాడు. ఈ ఘటనతో విద్యార్థులు నిరసన చేపట్టగా క్యాంపస్లో ఉద్రిక్తత చోటు చేసుకుంది.
సంస్థ తెలిపిన వివరాలు ప్రకారం.. ఎనర్జీ సైన్స్ అండ్ ఇంజనీరింగ్ విభాగానికి చెందిన సాహిల్ వకోడే అనే ఆ విద్యార్థి పరీక్ష సమయంలో సమాధానాలు తెలుసుకోవడానికి ప్రశ్నపత్రాన్ని ‘ChatGPT’లో అప్లోడ్ చేశాడు. ఆ సమయంలో ప్రొఫెసర్లు అతడిని పట్టుకున్నారు. ఈ క్రమంలో శుక్రవారం సాయంత్రం సదరు విద్యార్థి ఆత్మహత్య చేసుకున్నాడు. ఆ విద్యార్థిపై క్రమశిక్షణ చర్యలు తీసుకోలేదని అధికారులు తెలిపారు. సాహిల్తో ప్రొఫెసర్, హెచ్వోడీ మాట్లాడి కౌన్సెలింగ్ ఇచ్చారని చెప్పారు. అనంతరం హాస్టల్కు వెళ్లిన అతడు సాయంత్రం తన గదిలో బలవన్మరణానికి పాల్పడ్డాడు.
IIT Bombay Student | విద్యార్థుల నిరసన
ఐఐటీ బాంబే క్యాంపస్లో గత 7 నెలలో ఇది మూడో ఆత్మహత్య. ఫిబ్రవరిలో సెకండియర్ విద్యార్థి హాస్టల్లో ఆత్మహత్య చేసుకున్నాడు. జూలైలో కొత్త సెమిస్టర్ ప్రారంభంలో B.Tech విద్యార్థి తనువు చాలించాడు. తాజాగా జరిగిన ఘటన నేపథ్యంలో క్యాంపస్లో విద్యార్థులు నిరసనలు ప్రారంభించారు. చీటింగ్ ఆరోపణలు ఎదుర్కొన్న ఆ విద్యార్థిని ఒక సంవత్సరం పాటు సస్పెండ్ చేస్తామని బెదిరించారని విద్యార్థులు ఆరోపించారు. దీంతోనే అతడు ఆత్మహత్య చేసుకున్నాడని పేర్కొన్నారు.
ఇది కూడా చదవండి..: Rozgar Mela 2026 | కేంద్రం మరో శుభవార్త.. రేపు 51 వేల మందికి నియామక పత్రాలు అందజేయనున్న ప్రధాని మోదీ
