అక్షరటుడే, వెబ్డెస్క్: Ganesh Bigala Pujas | వినాయక చవితి ఉత్సవాల సందర్భంగా నిజామాబాద్ నగరంలోని పలు గణపతి మండపాలను మాజీ ఎమ్మెల్యే గణేష్ బిగాల సందర్శించారు. వివిధ ప్రాంతాల్లో ఏర్పాటు చేసిన వినాయక విగ్రహాలను సోమవారం దర్శించుకుని ప్రత్యేక పూజలు నిర్వహించారు. ఈ సందర్భంగా ఆయా మండపాల నిర్వాహకులు, భక్తులు ఆయనకు స్వాగతం పలికారు.
Ganesh Bigala Pujas | 60 అడుగుల ఎత్తైన విగ్రహం
పోచమ్మగల్లిలో రవితేజ యూత్ ఆధ్వర్యంలో ఏర్పాటు చేసిన భారీ మట్టి వినాయక విగ్రహాన్ని గణేష్ బిగాల దర్శించుకున్నారు. నిర్వాహకుల వివరాల ప్రకారం.. సుమారు 60 అడుగుల ఎత్తులో ఏర్పాటు చేసిన ఈ విగ్రహం ప్రత్యేక ఆకర్షణగా నిలిచింది. అనంతరం బాలాజీ భవన్, పూసలగల్లిలో అనంత పద్మనాభ స్వామి అవతారంలో ఏర్పాటు చేసిన గణపతిని దర్శించుకుని పూజలు చేశారు.
Trump Media Lawsuit | ట్రంప్పై CNN, MS NOW, Politico సంయుక్తంగా దావా!
తదుపరి కిషన్గంజ్లోని శ్రీ కన్యకాపరమేశ్వరి ఆలయాన్ని సందర్శించి అమ్మవారిని దర్శించుకున్నారు. అనంతరం ఆర్యవైశ్య సంఘం ఆధ్వర్యంలో ఏర్పాటు చేసిన గణపతి మండపానికి వెళ్లి ప్రత్యేక పూజలు నిర్వహించారు.
Ganesh Bigala Pujas | ప్రజలందరూ సుఖసంతోషాలతో ఉండాలి..
గాజుల్పేట్ టానాగల్లిలో వైశ్య భవన్ ఆధ్వర్యంలో ఏర్పాటు చేసిన గణపతి మండపంతో పాటు మారుతినగర్లో ఆర్యవైశ్య సంఘం ఏర్పాటు చేసిన మండపాన్ని కూడా ఆయన సందర్శించారు. అక్కడ స్వామివారికి పూజలు నిర్వహించి, ఉత్సవాల నిర్వహణపై నిర్వాహకులతో మాట్లాడారు.
ఈ సందర్భంగా గణేష్ బిగాల మాట్లాడుతూ.. గణనాథుడి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. వినాయక ఉత్సవాలు భక్తిశ్రద్ధలతో, ప్రశాంత వాతావరణంలో కొనసాగాలని కోరుకున్నారు.
ఈ కార్యక్రమాల్లో సిర్ప రాజు, సత్య ప్రకాష్, దండు శేఖర్, జగత్ రెడ్డితో పాటు ఆయా గణపతి మండపాల నిర్వాహకులు, యువజన సంఘాల ప్రతినిధులు, స్థానిక నాయకులు, భక్తులు పాల్గొన్నారు.
