అక్షరటుడే, వెబ్డెస్క్: Ganesh Laddu Auction | నిజామాబాద్ నగరంలోని బృందావనం కాలనీలో ఉన్న శ్రీ లంబోదర గణేష్ మండలి ఆధ్వర్యంలో వినాయక నిమజ్జన మహోత్సవాన్ని పురస్కరించుకుని నిర్వహించిన శ్రీ గణేష్ లడ్డూ మహా వేలం పాట అత్యంత వైభవంగా, ఆధ్యాత్మిక ఉత్సాహభరిత వాతావరణంలో జరిగింది. గణపయ్య దివ్య ప్రసాదాన్ని దక్కించుకునేందుకు భక్తులు పోటీ పడటంతో వేలం పాట హోరాహోరీగా సాగింది.
Ganesh Laddu Auction | దివ్య ప్రసాదం సొంతం
ఈ పవిత్రమైన లడ్డూ వేలం పాటలో భానుక పద్మ–శంకర్ దంపతులు అత్యధికంగా ₹72,500/- పలికి శ్రీ లంబోదర స్వామివారి దివ్య ప్రసాదాన్ని సొంతం చేసుకున్నారు.
స్వామివారి లడ్డూను దక్కించుకున్న పద్మ–శంకర్ దంపతులను మండలి నిర్వాహకులు శాలువా, పూలమాలలతో సత్కరించి హృదయపూర్వక అభినందనలు తెలిపారు. ఆ విఘ్నేశ్వరుని దివ్య ఆశీస్సులు ఎల్లప్పుడూ వారి కుటుంబంపై ఉండాలని, వారికి ఆయురారోగ్యాలు, అష్టైశ్వర్యాలు, సుఖసంతోషాలు ప్రాప్తించాలని ఆకాంక్షించారు.
Ganesh Laddu Auction | మారుమోగిన నామస్మరణ
ఈ సందర్భంగా పద్మ–శంకర్ దంపతులు మాట్లాడుతూ.. “గణపయ్య పవిత్ర లడ్డూ ప్రసాదాన్ని పొందే అదృష్టం దక్కడం మా పూర్వజన్మ సుకృతం. స్వామివారి సేవలో, ఈ పవిత్రమైన కార్యక్రమంలో భక్తిశ్రద్ధలతో భాగస్వాములు కావడం ఎంతో సంతోషాన్ని, మానసిక ప్రశాంతతను ఇచ్చింది” అని ఆనందం వ్యక్తం చేశారు.
Also Read : Vijay Deverakonda Ranabali | దసరా బరిలో రౌడీ హీరో: ‘రణబాలి’ రిలీజ్ డేట్పై మైత్రి మూవీ మేకర్స్ క్లారిటీ!
ఈ కార్యక్రమంలో కాలనీ ప్రజలు, మండలి సభ్యులు, మహిళలు, భక్తులు పెద్ద సంఖ్యలో పాల్గొని గణపతి బప్పా మోరియా నామస్మరణలతో నిమజ్జనోత్సవ ప్రాంగణాన్ని మారుమోగించారు.
