అక్షరటుడే గాంధారి: Online App Fraud | ‘బై వన్ గెట్ వన్ ఆఫర్’ చూసి వస్తువు ఆర్డర్ చేసిన ఓ వ్యక్తికి ఆన్లైన్ యాప్ (Online App) షాకిచ్చింది. రీడింగ్ గ్లాసెస్ ఆర్డర్ చేస్తే మట్టిని పంపి మోసం చేసింది.
Online App Fraud | రీడింగ్ గ్లాసెస్ ఆర్డర్ చేస్తే..
గాంధారి (Gandhari) మండల కేంద్రంలోని ఓ వ్యక్తి ఆన్లైన్ యాప్లో ‘బై వన్ గెట్ వన్ ఆఫర్’ పేరుతో యాడ్ కనిపించడంతో రీడింగ్ గ్లాసెస్ (Reading Glasses Fraud) బుక్ చేశాడు. రూ.600కే రెండు జతల గ్లాసెస్ వస్తాయని సంబరపడ్డాడు. శనివారం డెలివరీ బాయ్ ఆర్డర్ను బాక్స్ను అందించగా తెరిచి చూస్తే అవాక్కవడం కస్టమర్ వంతైంది. గ్లాసెస్కు బదులుగా 200 గ్రాముల మట్టిని బాక్స్లో పెట్టి పంపారు. వెంటనే డెలివరీ బాయ్కి ఫోన్ చేయగా.. తాము కేవలం డెలివరీ మాత్రమే చేస్తామని.. లోపల ఎలాంటి వస్తువులున్నా తమకు సంబంధం లేదని తెగేసి చెప్పాడు. దీంతో మోసం జరిగిందని పసిగట్టిన కస్టమర్ ఆన్లైన్ యాప్ నిర్వాహకులకు ఫోన్ చేయగా వారు స్పందించలేదు. ఈ సందర్భంగా బాధితుడు మాట్లాడుతూ.. ఆన్లైన్లో ఆర్డర్ చేసేటప్పుడు జాగ్రత్తలు పాటించాలని..ఫేక్ యాప్లకు దూరంగా ఉండాలని సూచించారు.
ఇది కూడా చదవండి : Elephant Rampage | ఏనుగు బీభత్సం.. భయంతో పరుగులు తీసిన ప్రజలు
