అక్షరటుడే, గాంధారి: Ex Mla Jajala | కేంద్ర మంత్రి పదవి నుంచి బండి సంజయ్ను (bandi sanjay) బర్తరఫ్ చేయాలని మాజీ ఎమ్మెల్యే జాజాల సురేందర్ డిమాండ్ చేశారు. ఈ మేరకు గాంధారి (gandhari) మండల కేంద్రంలో విలేకరుల సమావేశంలో ఆయన మాట్లాడారు.
Ex Mla Jajala | సామాన్యులకు ఒక రూల్.. బండి సంజయ్కి ఒక రూలా..?
పోక్సో కేసులో (POCSO Case) సామాన్యులకు ఒక రూల్.. బండి సంజయ్కి ఒక రూల్ ఎలా ఉంటుందని ప్రభుత్వాన్ని.. పోలీసులను మాజీ ఎమ్మెల్యే ప్రశ్నించారు. న్యాయం కావాలంటూ ఓ బాధితురాలు ప్రభుత్వాన్ని కోరడం దానికి ప్రభుత్వం స్పందించకపోవడం చాలా చిత్రంగా ఉందన్నారు. బీజేపీ(BJP party) పార్టీ దేశం కోసం ధర్మం కోసం పనిచేస్తుందని ప్రగల్బాలు చెప్పుకోవడం కాదని.. వాటిని ఆచరణలో పెట్టి చూపించాలన్నారు.
పోక్సో కేసు నమోదైన అనంతరం నిందితుడిని అరెస్ట్ చేసి న్యాయమూర్తి ఎదుట హాజరుపర్చాల్సింది పోయి పోలీసులు మీనమేషాలు లెక్కించడం ఏమిటని జాజాల ప్రశ్నించారు. ఈ కేసుకు బండి సంజయ్ను బాధ్యుడిని చేస్తూ ఆయనను వెంటనే మంత్రి పదవి నుంచి బర్తరఫ్ చేయాలని డిమాండ్ చేశారు. తెలంగాణ ప్రభుత్వంలో హోం శాఖ మంత్రిగా ఉన్న సీఎం రేవంత్ రెడ్డి (CM Revanth Reddy) దీనికి పూర్తి బాధ్యత వహించాలన్నారు.
ఇది కూడా చదవండి: Work From Home | ఐటీ ఉద్యోగులకు వర్క్ ఫ్రమ్ హోమ్!.. మార్గదర్శకాలు విడుదల చేయాలంటున్న ఎన్ఐటీఈఎస్
