అక్షరటుడే, వెబ్డెస్క్: Atukula Bathukamma Festival | తెలంగాణ (Telangana) బతుకమ్మ పండుగ రెండో రోజు వేడుకలు అత్యంత భక్తిశ్రద్ధలతో ప్రారంభం కానున్నాయి. ఆశ్వయుజ శుక్ల పాడ్యమి రోజున జరుపుకునే ఈ రెండో రోజు వేడుకను ‘అటుకుల బతుకమ్మ’ అంటారు. తొలిరోజు ఎంగిలిపూల బతుకమ్మతో ఆరంభమైన పూల సంబురాలు, రెండో రోజుకు మరింత శోభను సంతరించుకుంటాయి.
Atukula Bathukamma Festival | రంగురంగుల పూలు
ఈ రోజున మహిళలు రంగురంగుల తంగేడు, గునుగు పూలతో అటుకుల బతుకమ్మను ఎంతో అలంకారంగా తీర్చిదిద్దుతారు. సాయంత్రం వేళ అందరూ ఒక్కచోట చేరి సంప్రదాయ పాటలతో గౌరమ్మను కొలుస్తూ, ప్రకృతిని ఆరాధిస్తూ ఆనందోత్సాహాలతో ఈ వేడుకను జరుపుకుంటారు.
నైవేద్య విశిష్టత..
ఈ పర్వదినాన అమ్మవారికి సమర్పించే నైవేద్యానికి ప్రత్యేకమైన విశిష్టత ఉంది. పేరుకు తగ్గట్టుగానే ఈ రోజు గౌరమ్మకు ఎంతో ప్రీతిపాత్రమైన అటుకుల ప్రసాదాన్ని నైవేద్యంగా సమర్పిస్తారు. ఈ ప్రసాదాన్ని భక్తిశ్రద్ధలతో నివేదించి, బతుకమ్మ ఆటల అనంతరం మహిళలంతా దీనిని ప్రసాదంగా స్వీకరిస్తారు.
ఇది కూడా చదవండి..: Narala Sudhakar Red Cross | నరాల సుధాకర్ను సన్మానించిన దిల్రాజు, శిరీష్ రెడ్డి
