అక్షరటుడే, కామారెడ్డి: Kamareddy Ganja Seizure | పట్టణంలోని (Kamareddy) రైల్వే స్టేషన్లో ఎక్సైజ్ అధికారులు ఎండు గంజాయిని (Excise Department) స్వాధీనం చేసుకున్నారు. జిల్లా ఎక్సైజ్ కార్యాలయంలో సూపరింటెండెంట్ ముకుంద రెడ్డి మీడియాకు వివరాలు వెల్లడించారు.
Kamareddy Ganja Seizure | ఒడిశాలోని కాంకేర్ నుంచి..
ఒడిశాలోని కాంకేర్ నుంచి సోలాపూర్ వెళ్తున్న నాగావళి ఎక్స్ ప్రెస్లో (Nagavali Express) ఎండు గంజాయి తరలిస్తున్నారన్న పక్కా సమాచారంతో జిల్లా టాస్క్ఫోర్స్ ప్రత్యేక బృందం కామారెడ్డి రైల్వే స్టేషన్లో తనిఖీలు చేపట్టింది. ఈ క్రమంలో ఓ వ్యక్తి అనుమానాస్పద స్థితిలో సూట్కేసుతో వెళ్తుండగా పట్టుకుని విచారించారు. అతని వద్ద 18 కిలోల ఎండు గంజాయి లభించగా..దీని విలువ సుమారు రూ.9 లక్షలుగా పోలీసులు గుర్తించారు.
గంజాయి తరలిస్తున్న వ్యక్తి మధ్యప్రదేశ్లోని ఉజ్జయినికి చెందిన 26 ఏళ్ల వయసున్న అశోక్గా గుర్తించినట్లు సూపరింటెండెంట్ ముకుంద రెడ్డి తెలిపారు. జిల్లాలో గంజాయి సరఫరా కట్టడికి ప్రత్యేక బృందాలు తనిఖీలు చేపడుతున్నాయన్నారు. ఈ సమావేశంలో డీటీఎఫ్ సీఐ శ్రీనివాసులు, కానిస్టేబుల్స్ అమృత్ రెడ్డి, రాజు, శిరీష పాల్గొన్నారు.
ఇది కూడా చదవండి: ఢిల్లీలో హైడ్రామా.. పోలీసుల అదుపులో మమతా బెనర్జీ!
