అక్షరటుడే, కామారెడ్డి: Kharge Effigy Burned | ప్రధాని మోదీపై కాంగ్రెస్ జాతీయ అధ్యక్షుడు మల్లికార్జున ఖర్గే చేసిన అనుచిత వ్యాఖ్యలను కామారెడ్డి పట్టణంలో బీజేపీ నాయకులు (BJP Protest) ఖండించారు. ఈ మేరకు జిల్లా కేంద్రంలోని (Kamareddy) నిజాంసాగర్ చౌరస్తాలో ఖర్గే దిష్టిబొమ్మ దహనం చేశారు.
Kharge Effigy Burned | దిగజారుడు రాజకీయాలు
బీజేపీ జిల్లా అధ్యక్షుడు నీలం చిన్నరాజులు మాట్లాడుతూ.. దేశాభివృద్ధి కోసం నిరంతరం కృషిచేస్తున్న ప్రధానమంత్రి నరేంద్ర మోదీపై వ్యక్తిగతంగా అనుచిత వ్యాఖ్యలు చేయడం కాంగ్రెస్ పార్టీ దిగజారుడు రాజకీయాలకు నిదర్శనమని విమర్శించారు. ప్రజాస్వామ్యంలో రాజకీయ విమర్శలకు హద్దులు ఉండాలని, దేశ అత్యున్నత పదవిలో ఉన్న పీఎం పట్ల గౌరవప్రదమైన భాషను ఉపయోగించాలని హితవు పలికారు. కాంగ్రెస్ పార్టీ నాయకులు ఇలాంటి వ్యాఖ్యలతో దేశ ప్రజల మనోభావాలను దెబ్బతీయడం మానుకోవాలని, పీఎం పట్ల చేసిన వ్యాఖ్యలకు బాధ్యత వహిస్తూ తక్షణమే క్షమాపణ చెప్పాలని డిమాండ్ చేశారు. ఈ కార్యక్రమంలో బీజేపీ జిల్లా, పట్టణ నాయకులు, కౌన్సిలర్లు పాల్గొన్నారు.
ఇది కూడా చదవండి: అర్నబ్ తుఫాను తీవ్ర రూపం.. 140 కి.మీ. వేగంతో గాలులు వీచే అవకాశం!
