అక్షరటుడే, వెబ్డెస్క్: KTR | రాష్ట్రంలో ఎమర్జెన్సీ పాలన నడుస్తోందని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. మూసీ ప్రజాభిప్రాయ సేకరణకు వెళ్లకుండా బీఆర్ఎస్ నాయకులను అడ్డుకోవడంపై ఆగ్రహం వ్యక్తం చేశారు.
ప్రభుత్వం బుధవారం మూసీ ప్రక్షాళన కోసం ప్రజాభిప్రాయ సేకరణ నిర్వహించింది. అయితే దీనికి వెళ్లేందుకు మాజీ మంత్రి సబితా ఇంద్రారెడ్డి, ఆమె కుమారుడు కార్తీక్రెడ్డి యత్నించారు. వారిని పోలీసులు హౌస్ అరెస్ట్ చేశారు. దీనిపై కేటీఆర్ ఎక్స్వేదికగా స్పందించారు. ఇందిరమ్మ పాలన అంటే ఆనాటి ఎమర్జెన్సీ రోజులే అని మరోసారి సీఎం రేవంత్రెడ్డి (CM Revanth Reddy) గుర్తు చేశారన్నారు. ఆయనకు గుణపాఠం తప్పదని హెచ్చరించారు.
KTR | కరువు తాండవం చేస్తుంటే..
రాష్ట్రంలో కరువు విలయతాండవం చేస్తుంటే.. లక్షన్నర కోట్లు పెట్టి మూసీ సుందరీకరణ చేపడుతామని చెప్పడం సిగ్గు చేటన్నారు. కరువుతో పంటలు ఎండి రైతులు అల్లాడుతుంటే పట్టించుకోని ప్రభుత్వం మూసీలో మూటలవేట సాగిస్తోందని విమర్శించారు. ఎడిపోయిన పంటలకు ఎకరాకు రూ.50 వేల పరిహారం ఇవ్వాలని డిమాండ్ చేశారు. మూసీ సుందరీకరణ పేరుతో లక్షల కుటుంబాల ఇళ్లు కూల్చి, రియల్ ఎస్టేట్ దందా చేయాలనే రేవంత్ కుట్రను అడ్డుకుంటామని చెప్పారు. మూసీ ప్రక్షాళన ఆపి, రైతులను ఆదుకోవాలని ఆయన డిమాండ్ చేశారు.
ఇది కూడా చదవండి..: Congress Protest | రైల్వే నిలయం ఎదుట కాంగ్రెస్ నాయకుల ధర్నా
