అక్షరటుడే, వెబ్డెస్క్ : Revanth Reddy Journey | సీఎం రేవంత్రెడ్డి తన రాజకీయ జీవితంలో 20 ఏళ్లు పూర్తి చేసుకున్నారు. ఈ సందర్భంగా ఆయన ఎమోషనల్ ట్వీట్ చేశారు.లక్షల అక్షరాలతో రాసినా.. కోట్ల పదాలను కూర్చి చెప్పినా.. తరగని మధుర జ్ఞాపకం ఈ రెండు దశాబ్దాల ప్రజా జీవితం అని పేర్కొన్నారు.
మిడ్జిల్లో రేవంత్ రెడ్డి (CM Revanth Reddy)గా మొదలై.. నేడు అందరి గుండెల్లో “రేవంతన్న”గా నిలిచే వరకు సాగిన ఈ అద్భుత ప్రయాణం తన జీవితంలో ప్రత్యేక అధ్యాయం అని సీఎం పేర్కొన్నారు. ప్రజల ఆశీర్వాదంతో భవిష్యత్తులో తెలంగాణ పునర్ నిర్మాణ శ్రామికుడిగా,ప్రజల ఆకాంక్షలను నెరవేర్చే సేవకుడిగా పని చేస్తానన్నారు.
Revanth Reddy Journey | నేడు మిడ్జిల్లో సీఎం సభ
జడ్చర్ల నియోజకవర్గంలో సీఎం రేవంత్ రెడ్డి శనివారం పర్యటించనున్నారు. మిడ్జిల్, ఊరుకొండ మండలాల్లో పలు కార్యక్రమాల్లో పాల్గొంటారు. అనంతరం మిడ్జిల్లో కృతజ్ఞత సభలో మాట్లాడారు. 2006 జులై 4న రేవంత్రెడ్డి మిడ్జిల్ ZPTCగా గెలిచి రాజకీయ ప్రస్థానం ప్రారంభించారు. ప్రజా ప్రతినిధిగా తన తొలి అడుగుకు అండగా నిలిచిన మిడ్జిల్ ప్రజలకు ఆయన కృతజ్ఞతలు తెలిపారు.
Revanth Reddy Journey | స్వతంత్ర అభ్యర్థిగా..
రేవంత్రెడ్డి విద్యార్థి దశలో ఏబీవీపీలో కొనసాగారు. 2006లో స్వతంత్ర అభ్యర్థిగా జెడ్పీటీసీగా పోటీ చేసి గెలిచారు. 2007 ఇండిపెండెంట్గా పోటీ చేసి ఎమ్మెల్సీ అయ్యారు. అనంతరం ఆయన టీడీపీలో చేరారు. 2009లో కొడంగల్ ఎమ్మెల్యేగా టీడీపీ నుంచి పోటీ చేసి విజయం సాధించారు. 2014లో మరోసారి గెలుపొందారు. రాష్ట్రంలో టీడీపీ కనుమరుగు కావడం, ఆ పార్టీ ఎమ్మెల్యేలు చాలా మంది బీఆర్ఎస్లో చేరడంతో రేవంత్రెడ్డి 2017లో కాంగ్రెస్లో చేరారు. 2018లో ఆ పార్టీ నుంచి కొడంగల్లో పోటీ చేసి ఓడిపోయారు.
Revanth Reddy Journey | వరించిన అదృష్టం
రేవంత్రెడ్డి 2018 ఎన్నికల్లో ఓడిపోయారు. అయితే ఓటమితో కుంగిపోకుండా.. బీఆర్ఎస్పై పోరాటం చేశారు. ఈ క్రమంలో అధిష్టానం ఆయనకు 2019లో మల్కాజ్గిరి ఎంపీగా పోటీ చేసే అవకాశం ఇచ్చింది. ఈ ఎన్నికల్లో విజయం సాధించిన ఆయనకు అదృష్టం సైతం కలిసి వచ్చింది. అనంతరం రాజకీయ పరిణామాల్లో రేవంత్రెడ్డి పీసీసీ అధ్యక్షుడు అయ్యారు. 2023 ఎన్నికల్లో కాంగ్రెస్ పార్టీ (Congress Party) గెలుపు కోసం తీవ్రంగా కృషి చేశారు. ఆ ఎన్నికల్లో కాంగ్రెస్ మెజారిటీ సీట్లు సాధించడంతో సీఎం అభ్యర్థిగా అధిష్టానం రేవంత్రెడ్డిని ప్రకటించింది. కాంగ్రెస్ పార్టీలో ఇతర నాయకులను కలుపుకొని ఆయన రెండున్నరేళ్ల పాలన పూర్తి చేశారు.
ఇది కూడా చదవండి..: Telangana Heavy Rains | నేడు భారీ వర్ష సూచన
