అక్షరటుడే, వెబ్డెస్క్: Rapthadu Attack Case | అనంతపురం జిల్లా (Anantapur District) రాప్తాడులో పదో తరగతి విద్యార్థినిపై చైన్‌సాతో దాడి చేసిన ఘటనలో నిందితుడు హేమంత్‌ కుడి కాలును అధికారులు తొలగించారు. అనంతపురం ప్రభుత్వ ఆసుపత్రి ఆపరేషన్ చేసి కాలు తీసేశారు.
రాప్తాడు జెడ్పీహెచ్లో పదో తరగతి చదువుతున్న బాలికపై నిందితుడు ఎలక్ట్రిక్ రంపంతో దాడి చేసిన విషయం తెలిసిందే. ఈ ఘటనలో అతడిని పట్టుకునే క్రమంలో పోలీసులు కాల్పులు జరిపారు. రెండు కాళ్లలో ఆరు బుల్లెట్లు దిగడంతో.. ఆపరేషన్ చేసి ఒక కాలు తొలగించారు. ప్రస్తుతం అతను ఆసుపత్రిలో చికిత్స పొందుతున్నాడు.
Rapthadu Attack Case | కోలుకుంటున్న బాలిక
రాప్తాడు ఘటనలో గాయపడిన బాలిక ఆరోగ్యం క్రమంగా మెరుగుపడుతోందని వైద్యులు తెలిపారు. ఆమె కళ్లు తెరిచినట్లు పేర్కొన్నారు. నవంబర్ 3న విడుదల చేసిన తాజా వైద్య నివేదిక ప్రకారం ఉదయం 9:30 గంటల సమయానికి, బాలిక కళ్లు తెరిచింది. ఆమె కీలక ఆరోగ్య సూచికలన్నీ స్థిరంగా ఉన్నాయి. ఈ వారంలో మరిన్ని సమగ్ర నేత్ర పరీక్షలు, ఎముకలకు సంబంధించిన శస్త్రచికిత్స నిర్వహించాల్సి ఉంది. బాలిక ప్రస్తుతం వైద్యుల నిరంతర పర్యవేక్షణలో ఉంది.
ఇది కూడా చదవండి.. Murasu Cyclone | తీరం దాటిన మురాసు తుపాన్.. పలు జిల్లాల్లో భారీ వర్షాలు
