అక్షరటుడే, వెబ్డెస్క్ : Sangareddy Car Accident | సంగారెడ్డి జిల్లా (Sangareddy District)లో ఘోర రోడ్డు ప్రమాదం చోటు చేసుకుంది. సోమవారం అర్ధరాత్రి ఓ కారు అతివేగంగా దూసుకొచ్చి విద్యుత్ స్తంభాన్ని ఢీకొని, బోల్తా పడింది. ఈ ప్రమాదంలో దంపతులు మృతి చెందారు.
Sangareddy Car Accident | సంగారెడ్డి వెళ్తుండగా..
సంగారెడ్డి జిల్లా కంది మండలం కాశింపూర్ గ్రామం వద్ద ఈ ఘటన చోటు చేసుకుంది. రంగారెడ్డి జిల్లా శంకరపల్లి మండలం గాజులగూడ గ్రామానికి చెందిన నర్సింలు (40), ఆయన భార్య మౌనిక (30) రాత్రి పూట కారులో వెళ్తున్నారు. ఆ సమయంలో కారు అదుపు తప్పి డివైడర్ మధ్యలో ఉన్న విద్యుత్ స్తంభాన్ని ఢీకొంది. అనంతరం బోల్తా పడింది. ఈ ప్రమాదంలో దంపతులు ఇద్దరు తీవ్రగాయాలతో అక్కడిక్కడే మృతి చెందారు. వీరికి ఇద్దరు కుమారులు ఉన్నారు. వారు సంగారెడ్డి వైపు వెళ్తుండగా ఈ ప్రమాదం జరిగింది. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.
ఇది కూడా చదవండి..: Murasu Cyclone | తీరం దాటిన మురాసు తుపాన్.. పలు జిల్లాల్లో భారీ వర్షాలు
