New Zealand Test | తొలి టెస్ట్​లో భారీ స్కోర్​ దిశగా న్యూజిలాండ్​

తొలి టెస్ట్​లో న్యూజిలాండ్ జట్టు మొదటి రోజు ఆట ముగిసే సమయానికి 5 వికెట్లు నష్టపోయి 243 పరుగులు చేసింది.

Srinivas Kolluri

అక్షరటుడే, వెబ్​డెస్క్: New Zealand Test | భారత్, న్యూజిలాండ్ మధ్య జరుగుతున్న తొలి టెస్ట్​ మ్యాచ్​లో మొదటి రోజు ఆట ముగిసింది. స్టంప్స్​ సమయానికి కివీస్​ జట్టు 82 ఓవర్లలో 5 వికెట్లు నష్టపోయి 243 పరుగులు చేసింది.

తొలి టెస్ట్​లో భారత్​ (India) టాస్​ గెలిచి బౌలింగ్​ ఎంచుకుంది. మ్యాచ్​ ఆరంభం కాగానే భారత బౌలర్లు విజృంభించారు. తొలి ఓవర్​లో బుమ్రా టామ్​ లాథమ్​ను క్లీన్​ బౌల్డ్​ చేశాడు. అనంతరం 12 పరుగుల వద్ద కాన్వేను అంకుశ్​ ఔట్ చేశాడు. బుమ్రా 3 వికెట్లతో చెలరేగడంతో న్యూజిలాండ్ జట్టు 70 పరుగులకే 5 వికెట్లు కోల్పోయింది. కష్టాల్లో ఉన్న జట్టును హెన్రీ నికోల్స్​, గ్లెన్​ ఫిలిప్స్​ ఆదుకున్నారు.

New Zealand Test | సెంచరీతో చెలరేగి..

హెన్రీ నికోల్స్ 221 బంతుల్లో 14 ఫోర్లతో అజేయంగా 113 పరుగులు చేశాడు. మరో వైపు గ్లెన్ ఫిలిప్స్ 182 బంతుల్లో 13 ఫోర్లతో 94 రన్స్ తో క్రీజ్​లో ఉన్నాడు. ఇద్దరు కలిసి కష్టాల్లో ఉన్న జట్టును ఆదుకున్నారు. మరో వికెట్ పడకుండా జాగ్రత్త పడ్డారు. ఆరో వికెట్​కు 322 బంతుల్లో 173 భాగస్వామ్యం నమోదు చేశారు. దీంతో కివీస్​ జట్టు భారీ స్కోర్​ దిశగా సాగుతోంది. ఇప్పటికే ఆ దేశంతో జరిగిన వన్డే, టీ 20 సిరీస్​ను గెలుచుకున్న భారత్​.. టెస్ట్ సిరీస్​ను సైతం కైవసం చేసుకోవాలని చూస్తోంది. మరోవైపు టెస్ట్​ల్లో గెలిచి పరువు నిలుపుకోవాలని న్యూజిలాండ్​ భావిస్తోంది.

ఇది కూడా చదవండి..: Travis Head released | ఐపీఎల్ 2027 : సన్‌రైజర్స్ హైదరాబాద్ ఫ్యాన్స్‌కు షాక్.. స్టార్ ఓపెనర్ ట్రావిస్ హెడ్ రిలీజ్!

తెలుగు మీడియాలో 9 ఏళ్ల అనుభవం ఉంది. 2016లో సాక్షి జర్నలిజం స్కూల్​లో చేరాను. అనంతరం సాక్షి దినపత్రిక కరీంనగర్​, నిజామాబాద్​ డెస్క్​లలో సబ్​ ఎడిటర్​గా పని చేశాను. 2025 ఫిబ్రవరి నుంచి ‘అక్షరటుడే’లో అసిస్టెంట్​ చీఫ్​ సబ్​ ఎడిటర్​గా విధులు నిర్వహిస్తున్నాను. జాతీయ, అంతర్జాతీయ, రాజకీయ, సినిమా, క్రీడ, క్రైమ్​ ఆర్టికల్స్ రాస్తుంటాను.
Leave a Comment

Leave a Reply

Your email address will not be published. Required fields are marked *