అక్షరటుడే, కామారెడ్డి: Kamareddy Car Accident | పెళ్లితంతు ముగించుకుని వెళ్తున్న కారు.. అదుపుతప్పి పశువుల కొట్టంలోకి దూసుకెళ్లింది. ఈ ఘటన రామారెడ్డి మండలం (Ramareddy Mandal) ఉప్పల్వాయి గ్రామంలో సోమవారం తెల్లవారుజామున 3 గంటల ప్రాంతంలో చోటుచేసుకుంది.
Kamareddy Car Accident | ఉప్పల్వాయి గ్రామంలో..
స్థానికుల కథనం ప్రకారం.. గాంధారికి చెందిన అమ్మాయికి మాచారెడ్డి మండలం (Machareddy Mandal) సోమార్ పేట గ్రామానికి చెందిన అబ్బాయితో సోమార్ పేటలో (Somar Peta) ఆదివారం వివాహం జరిగింది. వివాహ తంతు పూర్తి చేసుకున్న కుటుంబ సభ్యులు ఎనిమిది మంది ఓ కారులో రామారెడ్డి, ఉప్పల్వాయి మీదుగా ఆదివారం అర్ధరాత్రి తర్వాత గాంధారికి బయలుదేరారు. సోమవారం తెల్లవారుజామున 3 గంటల ప్రాంతంలో రామారెడ్డి మండలం ఉప్పల్వాయి గ్రామం వద్దకు చేరుకోగానే కారు అదుపుతప్పి కొట్టంలోకి దూసుకెళ్లింది.
వేగంగా ఉన్న కారు కొట్టంలో ఉన్న బర్లను బలంగా ఢీకొనడంతో బోల్తాపడింది. ప్రమాదంలో మూడు గేదెలు అక్కడికక్కడే మృతి చెందాయి. మరొక గేదెకు తీవ్ర గాయాలయ్యాయి. అలాగే కారులో ప్రయాణిస్తున్న నలుగురికి తీవ్ర గాయాలయ్యాయి. వీరిని వెంటనే కామారెడ్డి జీజీహెచ్కు (Kamareddy GGH) తరలించారు. అందులో ఇద్దరి పరిస్థితి విషమంగా ఉన్నట్టు సమాచారం. ప్రమాద ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
ఇది కూడా చదవండి..: TGEJAC Nizamabad | ఉద్యోగుల సమస్యల పరిష్కారానికి సీఎం ముందుకురావడం హర్షణీయం: టీజీఈజేఏసీ జిల్లా ఛైర్మన్
