అక్షరటుడే, వెబ్డెస్క్: Azaruddin Minister Post | మంత్రి అజారుద్దీన్కు పదవి గండం పొంచి ఉంది. ఆయన మంత్రిగా ప్రమాణ స్వీకారం చేసినా.. ఇంకా ఎమ్మెల్సీగా నియామకం కాలేదు. ఆరు నెలల్లో ఎమ్మెల్యే లేదా ఎమ్మెల్సీ కాకపోతే మంత్రి పదవి పోతుంది.
ప్రభుత్వం కోదండరాం, అజారుద్దీన్ను ఎమ్మెల్సీలుగా నామినేట్ చేసిన విషయం తెలిసిందే. అయితే వారి నియామాకాన్ని గవర్నర్ ఇంకా ఆమోదించలేదు. అయితే జూబ్లీహిల్స్ ఉప ఎన్నికల (Jubilee Hills by-election) సమయంలో మైనారిటీల ఓట్ల కోసం కాంగ్రెస్ అజారుద్దీన్కు మంత్రి పదవి ఇచ్చింది. 2025 అక్టోబర్ 31న ఆయన మంత్రిగా ప్రమాణ స్వీకారం చేశారు. రాజ్యాంగం ప్రకారం మంత్రి పదవి చేపట్టిన వ్యక్తి ఆరు నెలల్లో ఏదైనా చట్ట సభల్లో సభ్యుడు కావాలి. అజారుద్దీన్ మంత్రి పదవి చేపట్టి ఈ నెల 30తో ఆరు నెలలు పూర్తి కానుంది.
Azaruddin Minister Post | రాజీనామా చేస్తారా..
అజారుద్దీన్ ఎమ్మెల్సీ నియామకంపై గవర్నర్ ఇంకా ఆమోదం తెలపడం లేదు. ఈ క్రమంలో సీఎస్ రామకృష్ణారావు శనివారం గవర్నర్ను కలిశారు. నియామకానికి ఆమోదం తెలపాలని కోరారు. ఎమ్మెల్సీ నియామకంలో వివాదాలు, కోర్టు కేసుల నేపథ్యంలో ఈ ప్రక్రియ ఆలస్యం అవుతున్నట్లు సమాచారం. అజారుద్దీన్ అంశంపై ఇప్పటికే నాలుగు సార్లు గవర్నర్కు రాష్ట్ర ప్రభుత్వం (State Government) విజ్ఞప్తి చేసింది. అయితే ఈ నెలాఖరులోగా ఎమ్మెల్సీ నియమకానికి గవర్నర్ ఆమోదం తెలుపకపోతే అజారుద్దీన్ రాజీనామ చేయాల్సి ఉంటుంది. ఈ క్రమంలో సీఎం రేవంత్రెడ్డి (CM Revanth Reddy) ఈ వ్యవహారంపై ప్రత్యేక ఫోకస్ పెట్టినట్లు సమాచారం. ఎమ్మెల్సీల నియామకానికి ఆమోదం తెలిపేలా గవర్నర్తో చర్చలు జరుపుతున్నట్లు తెలిసింది. అజారుద్దీన్తో పాటు కోదండరాం ఎమ్మెల్సీ నియామకం పెండింగ్లో ఉంది.
ఇది కూడా చదవండి..: Yadagirigutta Road Accident | యాదగిరిగుట్ట వెళ్తుండగా ప్రమాదం.. ఇద్దరు మృతి
