అక్షరటుడే, వెబ్డెస్క్ : Bhogapuram Airport Protest | ఏపీలోని విజయనగరం జిల్లా (Vizianagaram District) భోగాపురం మండలం బైరెడ్డిపాలెంలో ఎయిర్పోర్ట్ అప్రోచ్ రోడ్డుకు భూసేకరణ ఉద్రిక్తతకు దారి తీసింది.
తమకు పరిహారం ఇవ్వకుండా భూములు సేకరించడానికి వీలు లేదని కొందరు రైతులు నిరసన తెలిపారు. వారిని అధికారులు జేసీబీ బకెట్తో పక్కకు తొలగించారు. దీనిపై తీవ్ర విమర్శలు వస్తున్నాయి. రైతులు అందులోనూ వృద్ధులు అని జాలి లేకుండా జేసీబీతో పక్కకు తొలగించడంపై ప్రజలు మండిపడుతున్నారు. వారికి ఏమైనా జరిగితే ఎవరు బాధ్యులని ప్రశ్నిస్తున్నారు.
Bhogapuram Airport Protest | పరిహారం కోసం..
బైరెడ్డిపాలెం గ్రామం (Baireddypalem Village)లో భోగాపూరం ఎయిర్పోర్టు అప్రోచ్ రోడ్డు పనులను అధికారులు చేపట్టారు. అయితే విమానాశ్రయం అభివృద్ధి కోసం తమ భూములను తీసుకుని, ఇప్పటికీ పరిహారం చెల్లించలేదంటూ ఇద్దరు రైతులు అడ్డుకున్నారు. జేసీబీ బకెట్లో కూర్చొని నిరసన తెలిపారు. అయితే అధికారులు, పోలీసులు అందరు ఉండగానే వారిని జేసీబీ బకెట్తో పైకి లేపి పక్కకు తొలగించారు. వారి బయపెట్టడానికి అలా చేశారు. అయినా పోలీసులు అడ్డుకోకపోవడం గమనార్హం. పరిహారం కోసం పనులను అడ్డుకుంటే చంపేస్తారా అంటూ కాంట్రాక్టర్పై రైతులు ఆగ్రహం వ్యక్తం చేశారు.
Bhogapuram Airport Protest | ఆర్డీవో హామీ ఇవ్వడంతో..
గ్రామంలో భూ సేకరణ ప్రక్రియను గతంలోనే అధికారులు పూర్తి చేశారు. రైతులకు పరిహారం కూడా ఇచ్చారు. అయితే రైతులు బైరెడ్డి అప్పలనర్సయ్య, తోటమ్మలు ఆ పరిహారం తీసుకోవడానికి అంగీకరించలేదు. దీంతో అధికారులు భూములను ఎయిర్పోర్టు (Airport) సంస్థకు అప్పగించి, పరిహారాన్ని కోర్టుకు అటాచ్ చేశారు. ఈ క్రమంలో శుక్రవారం ఎయిర్పోర్టు సిబ్బంది పనులు చేపట్టడానికి రావడంతో రైతులు అడ్డుకున్నారు. అయితే జేసీబీ బకెట్ సాయంతో పక్కకు పెట్టడంపై వారు ఆవేదన వ్యక్తం చేశారు. ఆర్డీవో సుధాకర్ను కలిసి తమ సమస్య చెప్పుకున్నారు. కోర్టులో ఉన్న అవార్డు నగదు త్వరగా వచ్చేలా చూస్తానని, ఇళ్ల స్థలాన్ని కేటాయిస్తామని ఆయన హామీ ఇవ్వడంతో వారు వెనుదిరిగారు.
రైతులు అందులోనూ వృద్ధ దంపతులు అని కూడా జాలి లేదా?
భోగాపురం మండలం బైరెడ్డిపాలెంలో ఎయిర్పోర్ట్ అప్రోచ్ రోడ్డుకు భూసేకరణ సందర్భంగా సరైన పరిహారం ఇవ్వకుండా భూములు తీసుకోవద్దన్నందుకు వృద్ధ రైతు దంపతులను బెదిరిస్తూ ప్రోక్లెయిన్ ఎక్స్కవేటర్ బకెట్లో పైకి లేపి భయపెట్టిన అధికారులు.… pic.twitter.com/KMpDYuvKB7
— greatandhra (@greatandhranews) May 16, 2026
ఇది కూడా చదవండి..: Nanded Dharmavaram Express | నాందేడ్–ధర్మవరం వీక్లీ ఎక్స్ప్రెస్ క్రమబద్ధీకరణ
