అక్షరటుడే, వెబ్డెస్క్ : AFSPA Extension | కేంద్ర ప్రభుత్వం కీలక నిర్ణయం తీసుకుంది. నాగాలాండ్ (Nagaland), అరుణాచల్ ప్రదేశ్, మణిపూర్లోని నిర్దిష్ట ప్రాంతాలలో ‘సాయుధ దళాల (ప్రత్యేక అధికారాల) చట్టాన్ని అక్టోబర్ 1 నుండి మరో ఆరు నెలల పాటు పొడిగిస్తూ శుక్రవారం ఉత్తర్వులు జారీ చేసింది.
ఆయా రాష్ట్రాల్లో నెలకొన్న శాంతిభద్రతల పరిస్థితిని సమీక్షించిన తర్వాత కేంద్రం తాజా నిర్ణయం తీసుకుంది. AFSPA చట్టం సాయుధ దళాలకు ప్రత్యేక అధికారాలను కల్పిస్తుంది. ముందుగానే ఉపసంహరించుకోకపోతే అక్టోబర్ 1 నుండి ఆరు నెలల పాటు ఈ ప్రాంతాలలో ఇది అమలులో ఉంటుందని కేంద్రం పేర్కొంది.
AFSPA Extension | ఆయా ప్రాంతాల్లో..
మణిపూర్ (Manipur) ఐదు జిల్లాల్లోని 13 పోలీస్ స్టేషన్ల పరిధిలోకి వచ్చే ప్రాంతాలను మినహాయించి, రాష్ట్రవ్యాప్తంగా “అశాంతియుత ప్రాంతం”గా ప్రకటించిన ఉత్తర్వును హోం శాఖ ప్రకటించింది. నాగాలాండ్లోని 9 జిల్లాల్లో ఈ చట్టాన్ని పొడిగించారు. అవి దిమాపూర్, నియులాండ్, మోన్, చుమౌకెడిమా, కిఫైర్, నోక్లాక్, ఫెక్, పెరెన్, మెలురి. ఆ రాష్ట్రంలోని కోహిమా, మోకోక్చుంగ్, లాంగ్లెంగ్, వోఖా, జున్హెబోటోలలోని 21 పోలీస్ స్టేషన్ల పరిధిలోని ప్రాంతాలు సైతం ఈ నోటిఫికేషన్ పరిధిలోకి వస్తాయి. అరుణాచల్ ప్రదేశ్లో, తిరాప్, చాంగ్లాంగ్, లాంగ్డింగ్ జిల్లాల్లో AFSPA పొడిగించారు.
దీనిని కూడా చదవండి : Rapido Ownly Hyderabad | హైదరాబాద్లో ‘రాపిడో’ ఓన్లీ ఫుడ్ డెలివరీ యాప్ లాంచ్.. టాలీవుడ్ స్టార్ నాని సందడి
