అక్షరటుడే, వెబ్డెస్క్ : Ganesh Immersion | హైదరాబాద్ (Hyderabad) నగరంలో గణేశ్ నిమజ్జన ప్రక్రియ ఇంకా కొనసాగుతోంది. పలు విగ్రహాలు ఇంకా శోభాయాత్ర మార్గంలోనే ఉన్నాయి. శనివారం ఉదయం వరకు నిమజ్జనం సాగే అవకాశం ఉంది. దీంతో పోలీసులు ఏర్పాట్లు చేశారు.
నిమజ్జనం నేపథ్యంలో 10 వేల సీసీటీవీ కెమెరాలు, డ్రోన్లు, నిరంతర సమన్వయంతో శోభాయాత్రను పోలీసులు పర్యవేక్షిస్తున్నారు. హైదరాబాద్ సీపీ సజ్జనార్ (CP Sajjanar) బంజారాహిల్స్లోని తెలంగాణ కమాండ్ & కంట్రోల్ సెంటర్ను శుక్రవారం సాయంత్రం సందర్శించారు. శోభాయాత్ర మార్గాలు, భద్రతా ఏర్పాట్లపై సమీక్ష నిర్వహించారు.
Ganesh Immersion | 10,300 విగ్రహాల నిమజ్జనం
నగరంలో మొత్తం 14,850 విగ్రహాల నిమజ్జనం అవుతాయని అధికారులు ప్రణాళిక రూపొందించారు. ఇప్పటి వరకు 10,300 విగ్రహాల నిమజ్జనం పూర్తయిందని సీపీ తెలిపారు. సుమారు 4,500 విగ్రహాలు మిగిలి ఉండగా, వాటిని తెల్లవారుజాముకల్లా పూర్తి చేసేందుకు పోలీసులు చర్యలు చేపట్టారు. డ్రోన్లు, సీసీ కెమెరాలతో శోభాయాత్ర, నిమజ్జన ప్రక్రియను పరిశీలిస్తున్నారు. విద్యుత్ శాఖ, జీహెచ్ఎంసీ (GHMC), ఆర్టీసీ (TGSRTC), వైద్య శాఖ, ఇతర విభాగాలు సమన్వయంతో పనిచేస్తున్నాయి.
బంజారాహిల్స్లోని తెలంగాణ కమాండ్ అండ్ కంట్రోల్ సెంటర్ నుంచి గణేశ్ శోభాయాత్ర మార్గాలు, బందోబస్తు ఏర్పాట్లను పరిశీలించాను.
నగరవ్యాప్తంగా దాదాపు 10,000 సీసీ కెమెరాలు, డ్రోన్ల నిఘాతో పాటు విద్యుత్, GHMC, TGSRTC, వైద్యారోగ్య తదితర శాఖల సమన్వయంతో నిమజ్జన ప్రక్రియ అత్యంత ప్రశాంత… pic.twitter.com/8QOaFtcEoL
— V.C. Sajjanar, IPS (@SajjanarVC_IPS) September 25, 2026
దీనిని కూడా చదవండి : Revanth Reddy | సంఘ్ పరివార్తో ప్రజాస్వామ్యానికి ప్రమాదం : సీఎం రేవంత్రెడ్డి
