అక్షరటుడే, వెబ్డెస్క్ : Asaduddin Owaisi | ఎంఐఎం (MIM) అధినేత, ఎంపీ అసదుద్దీన్ ఒవైసీ సంచలన వ్యాఖ్యలు చేశారు. చంచల్‌గూడ జైలు సూపరింటెండెంట్‌కు రూ.2 కోట్లు ఇచ్చి.. అడ్వకేట్ ఖాజాను చంపిన రౌడీ షీటర్ బెయిల్‌ తెచ్చుకున్నాడని ఆరోపించారు.
అడ్వొకేట్‌ను చంపిన రౌడీషీటర్‌కు జైలు సూపరింటెండెంట్ సహకరిస్తున్నారని ఒవైసీ అన్నారు. ఆ రౌడీ షీటర్ ఖాజా మొయినుద్దీన్‌ను హత్య చేశాడని చెప్పారు. అతడు ఇతరులపై సైతం దాడులకు కుట్ర చేస్తున్నాడని ఆయన అన్నారు. అమాయకులపై హత్యలకు పాల్పడే వారిని బహిష్కరించాలని ఎంపీ డిమాండ్ చేశారు.
Asaduddin Owaisi | ఓట్లు తొలగించే యత్నం
బీజేపీ, సంఘ్ పరివార్ ఫారం 7 ద్వారా ఓటర్ల పేర్లను తొలగించే ప్రయత్నం చేస్తున్నాయని అసదుద్దీన్ ఆరోపించారు. తొలగించాల్సిన వ్యక్తి పేరును మాత్రమే పేర్కొంటూ, ఆ ఫారం సమర్పిస్తున్న వ్యక్తి పేరు లేదా వివరాలు లేకుండా ముద్రించిన ఫారం 7లను సమర్పిస్తున్నారని పేర్కొన్నారు. ఒకవేళ తప్పుడు ఫారం 7లు దాఖలు అయితే, బాధ్యులపై చర్యలు తీసుకోవాలని ఎన్నికల సంఘాన్ని కోరారు. దీనిని ఆపకపోతే హైదరాబాద్లో పెద్ద ఎత్తున ఆందోళనలు చేస్తామని ఆయన హెచ్చరించారు.
దీనిని కూడా చదవండి : Nizamabad Red Cross Polling | ఉత్సాహంగా సాగుతున్న రెడ్క్రాస్ ఎన్నికల పోలింగ్
