అక్షరటుడే, వెబ్డెస్క్ : Khairatabad by-election | ఖైరతాబాద్ ఉప ఎన్నికలు వస్తే ఓడిపోతామనే భయంతోనే సీఎం రేవంత్రెడ్డి (CM Revanth Reddy) కోర్టుకు వెళ్లారని బీజేపీ ఎంపీ డీకే అరుణ (DK Aruna) విమర్శించారు. పార్టీ మారిన ఎమ్మెల్యేలతో రాజీనామా చేయించాలని డిమాండ్ చేశారు.
దానం నాగేందర్పై హైకోర్టు అనర్హత వేటు వేసిన విషయం తెలిసిందే. దీంతో ఆ స్థానం ఖాళీ అయింది. అయితే ఉప ఎన్నికలు నిర్వహించకుండా ఈసీకి ఆదేశాలు ఇవ్వాలని కాంగ్రెస్ నాయకురాలు విజయారెడ్డి హైకోర్టును ఆశ్రయించారు. ఆమె గతంలో దానంపై ఎన్నికల పిటిషన్ వేశారు. దానం నాగేందర్ అఫిడవిట్లో తప్పుడు వివరాలు ఇచ్చారని, ఆయన ఎన్నిక చెల్లదని కోర్టును ఆశ్రయించారు. ఈ పిటిషన్ పెండింగ్లో ఉంది. ఈ క్రమంలో దీనిపై తీర్పు వచ్చే వరకు ఉప ఎన్నిక నిర్వహించకుండా ఆదేశాలు ఇవ్వాలని విజయారెడ్డి హైకోర్టును ఆశ్రయించారు. ఈ పిటిషన్ అయ్యే వరకు ఎన్నికలు నిర్వహించమని ఎన్నికల సంఘం సైతం కోర్టుకు తెలిపింది.
Khairatabad by-election | దిగజారుడు రాజకీయాలు
ఈ క్రమంలో ఎంపీ డీకే అరుణ స్పందించారు. ఉప ఎన్నిక వస్తే ఓడిపోతామని రేవంత్రెడ్డి భయపడుతున్నారని అన్నారు. అందుకే విజయారెడ్డితో పిటిషన్ వేయించారని ఆరోపించారు. కాంగ్రెస్, బీఆర్ఎస్ దిగజారుడు రాజకీయాలు చేస్తున్నాయని మండిపడ్డారు. ఆ పార్టీలు ఫిరాయింపులను ప్రోత్సహిస్తున్నాయని విమర్శించారు. పార్టీ మారిన ఎమ్మెల్యేలతో రాజీనామా చేయించాలని డిమాండ్ చేశారు.
దీనిని కూడా చదవండి : Hyderabad Water Supply | హైదరాబాద్వాసులకు అలర్ట్.. తాగునీటి సరఫరాలో అంతరాయం
