అక్షరటుడే, బాన్సువాడ: Banswada Hospital Superintendent | బాన్సువాడ(Banswada) ప్రభుత్వ ఏరియా ఆస్పత్రి సూపరింటెండెంట్గా శ్రీనివాస్ మంగళవారం బాధ్యతలు స్వీకరించారు. కామారెడ్డి(Kamareddy) జిల్లా పరిధిలోని ప్రభుత్వ ఆస్పత్రుల్లో పనిచేస్తున్న వైద్యుల రేషనలైజేషన్ ప్రక్రియలో భాగంగా ఆయనను బాన్సువాడ ఆసుపత్రి సూపరింటెండెంట్గా బదిలీ చేశారు.
Banswada Hospital Superintendent | విజయ్భాస్కర్ను ఆర్మూర్ ఆస్పత్రికి..
ఇప్పటివరకు బాన్సువాడ ఆస్పత్రి సూపరింటెండెంట్గా విధులు నిర్వహించిన విజయ్ భాస్కర్ను ఆర్మూర్ ఏరియా ఆస్పత్రికి బదిలీ చేశారు. దీంతో ఆయన స్థానంలో ఎం శ్రీనివాస్ బాధ్యతలు చేపట్టారు. ఈ సందర్భంగా ఆయన మాట్లాడుతూ.. బాన్సువాడ ప్రాంత ప్రజలకు మెరుగైన వైద్య సేవలు అందించేందుకు కృషి చేస్తానని తెలిపారు. ఆస్పత్రికి వచ్చే రోగులకు సకాలంలో వైద్యం అందేలా చర్యలు తీసుకుంటామని, వైద్యులు, సిబ్బంది సమన్వయంతో పనిచేసి ప్రభుత్వ ఆస్పత్రిపై ప్రజల్లో మరింత నమ్మకం పెంచేలా కృషి చేస్తామని పేర్కొన్నారు. ఆస్పత్రిలో అందుబాటులో ఉన్న వైద్య సేవలను మరింత సమర్థవంతంగా ప్రజలకు చేరువ చేయడంతో పాటు, రోగులకు అవసరమైన మౌలిక సదుపాయాలు, పరిశుభ్రత, వైద్య సిబ్బంది పనితీరుపై ప్రత్యేక దృష్టి సారించనున్నట్లు తెలిపారు. నూతన సూపరింటెండెంట్గా బాధ్యతలు స్వీకరించిన శ్రీనివాస్కు ఆస్పత్రి వైద్యులు, సిబ్బంది స్వాగతం పలికారు.
ఇది కూడా చదవండి : Revanth Reddy | మోడీ, అమిత్ షాలు రాజీనామా చేయాలి: సీఎం రేవంత్
