అక్షరటుడే, బోధన్: Bathukamma Celebrations | పట్టణంలోని(bodhan) ఇందూరు హైస్కూల్‌లో బతుకమ్మ సంబరాలు ఘనంగా నిర్వహించారు. దసరా సెలవులు రావడంతో పాఠశాల యాజమాన్యం ముందస్తుగా బతుకమ్మ వేడుకలను ఏర్పాటు చేసింది.
Bathukamma Celebrations | సందడి చేసిన విద్యార్థినులు..
ఈ సందర్భంగా విద్యార్థులు, ఉపాధ్యాయులు బతుకమ్మల చుట్టూ ఆడిపాడుతూ సందడి చేశారు. ఈ వేడుకల్లో స్థానిక కౌన్సిలర్ వేములపల్లి రామ్మూర్తి లక్ష్మి పాల్గొని బతుకమ్మ పండుగ ప్రాముఖ్యతను వివరించారు. పాఠశాల కరస్పాండెంట్ కొడాలి కిషోర్ మాట్లాడుతూ.. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను రాష్ట్రంతో పాటు ప్రపంచవ్యాప్తంగా తెలంగాణ ఆడపడుచులు ఘనంగా జరుపుకుంటున్నారని తెలిపారు. ఇందూరు హైస్కూల్ విద్యార్థులు, వారి తల్లిదండ్రులకు బతుకమ్మ, దసరా పండుగ శుభాకాంక్షలు తెలియజేశారు. ఇందూరు విద్యాసంస్థల డైరెక్టర్ కొడాలి సాయి విపంచి,హితిష్ పాల్గొన్నారు.
ఇది కూడా చదవండి: ‘హనుమాన్ అంశ్’.. తెలుగు ప్రేక్షకులను మెప్పించిందా?
