అక్షరటుడే, వెబ్డెస్క్: Brindavanam Colony Bathukamma | తెలంగాణ Telangana సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను నిజామాబాద్ జిల్లా కేంద్రంలో ఉన్న బృందావనం కాలనీలో అత్యంత వైభవంగా, ఉత్సాహభరితంగా నిర్వహించారు. మహిళలు, ఆడపడుచులు వేడుకల్లో సంబరంగా పాల్గొని సందడి చేశారు.
Brindavanam Colony Bathukamma | పండుగ శోభ..
రంగురంగుల పూలతో అందంగా బతుకమ్మలను పేర్చి, సంప్రదాయ దుస్తుల్లో ముస్తాబై, ఆటపాటలతో కాలనీ అంతటా పండుగ శోభను నింపారు. బతుకమ్మ బతుకమ్మా కోల్.. నీ బిడ్డ ఇంటికాడా కోల్ .. చిత్తూ చిత్తూల గుమ్మ శివునీ ముద్దూల గుమ్మ.. అంటూ బతుకమ్మ పాటలు, కోలాటాలు, మహిళల సందడి మధ్య ఆత్మీయత, ఆనందం వెల్లివిరిశాయి. సద్దుల బతుకమ్మ సంబరాలతో కాలనీ సంబరంగా మారింది.
