అక్షరటుడే, వెబ్డెస్క్: Tiger Shroff Firing | బాలీవుడ్‌ Bollywood నటుడు Actor టైగర్ ష్రాఫ్‌ లక్ష్యంగా ముంబైలో కాల్పుల ఘటన కలకలం రేపింది. జుహూ ప్రాంతంలో జరిగిన ఈ ఘటనలో నటుడు సురక్షితంగా బయటపడగా, ఆయన డ్రైవర్‌తో పాటు మరో వ్యక్తి గాయపడినట్లు సమాచారం. ఈ దాడికి తామే బాధ్యులమంటూ లారెన్స్‌ బిష్ణోయ్‌ గ్యాంగ్‌తో సంబంధం ఉందని చెప్పుకొనే వ్యక్తులు ప్రకటించినట్లు తెలిసింది.
Tiger Shroff Firing | అసలేం జరిగింది?
జుహూలోని పుష్పా పార్క్‌ వద్ద ఆదివారం (అక్టోబర్‌ 18) సాయంత్రం సుమారు 7 గంటల ప్రాంతంలో ఈ ఘటన జరిగినట్లు ది ఇండియన్‌ ఎక్స్‌ప్రెస్‌ కథనం తెలిపింది. ఫుట్‌బాల్‌ ఆడిన తర్వాత టైగర్ ష్రాఫ్‌ తన కారులో బయలుదేరుతుండగా, బైక్‌పై వచ్చిన ముగ్గురు గుర్తుతెలియని వ్యక్తులు కాల్పులు జరిపినట్లు ప్రాథమిక సమాచారం.
కాల్పుల్లో నటుడికి ఎలాంటి గాయాలు కాలేదు. ఆయన డ్రైవర్‌కు తుపాకీ గాయం కాగా, ఆసుపత్రిలో చికిత్స అందిస్తున్నారు. మరో ఆటో డ్రైవర్‌ కూడా గాయపడినట్లు తెలిసింది.
Tiger Shroff Firing | ఎందుకు ఈ దాడి ?
దాడి వెనుక కారణం ఇంకా స్పష్టంగా తెలియలేదు. సోషల్‌ మీడియాలో ప్రచారంలోకి వచ్చిన ఓ సందేశంలో, అనిల్‌ పండిట్‌ అనే వ్యక్తి లారెన్స్‌ బిష్ణోయ్‌ గ్యాంగ్‌తో తనకు సంబంధం ఉందని చెబుతూ.. దాడికి బాధ్యత వహించినట్లు సమాచారం. టైగర్ ష్రాఫ్‌ గతంలో హెచ్చరికలను పట్టించుకోలేదని కూడా ఆ సందేశంలో ఆరోపించినట్లు ప్రచారంలో ఉంది.
Tiger Shroff Firing | పోలీసుల దర్యాప్తు
సమాచారం అందుకున్న పోలీసులు ఘటనా స్థలికి చేరుకున్నారు. కాల్పులు జరిగిన ప్రాంతంలోని సీసీటీవీ ఫుటేజీని పోలీసులు పరిశీలిస్తున్నారు. నిందితులను గుర్తించి, వారు ఎలా వచ్చారు, ఎలా తప్పించుకున్నారు, దాడికి ఉపయోగించిన వాహనం ఏమిటి వంటి వివరాలను సేకరిస్తున్నారు. ఈ కేసు దర్యాప్తు కోసం 15 పోలీసు బృందాలను ఏర్పాటు చేసినట్లు ది ఇండియన్‌ ఎక్స్‌ప్రెస్‌ నివేదించింది.
Anti Drugs Awareness Video | ఉపాధ్యాయుడి సామాజిక చైతన్యం..”మత్తు కాదు.. మేలుకో!”లఘు చిత్రం రూపకల్పన!
Tiger Shroff Firing | బాలీవుడ్‌లో ఆందోళన
సినీ ప్రముఖులను లక్ష్యంగా చేసుకుని బెదిరింపులు, కాల్పుల ఘటనలు చోటుచేసుకోవడం వారి భద్రతపై ఆందోళనలను పెంచుతోంది. ఈ ఘటనపై మహారాష్ట్ర ఉప ముఖ్యమంత్రి ఏక్‌నాథ్‌ షిండే స్పందిస్తూ, ముంబైలో గ్యాంగ్‌వార్‌లను సహించబోమని, బాధ్యులపై చర్యలు తీసుకుంటామని పేర్కొన్నారు.
