అక్షరటుడే, వెబ్డెస్క్ : CJP Leaders Arrest | సీజేపీ నాయకుల అరెస్ట్పై లోక్సభ ప్రతిపక్ష నాయకుడు రాహుల్ గాంధీ (Rahul Gandhi) ఆగ్రహం వ్యక్తం చేశారు. మంగళవారం ఉదయం జంతర్ మంతర్ వద్ద నిరసన తెలిపినందుకు ఆ పార్టీ నాయకులను అరెస్ట్ చేసి జైలుకు తరలించిన విషయం తెలిసిందే.
జంతర్ మంతర్ వద్ద శాంతియుత నిరసనలో త్రివర్ణ పతాకాన్ని ఎగురవేయడం నేరం కాదు. దానికోసం యువతను జైలులో పెట్టడం పిరికిపంద చర్య అని రాహుల్ గాంధీ సోషల్ మీడియాలో పోస్ట్ చేశారు. సీజేపీ, యువత, విద్యార్థులు, ఇండియా కూటమి నిరసనల జెండాలు వేరైనా లక్ష్యం ఒక్కటేనన్నారు. జంతర్ మంతర్‌ను నిరసన స్థలం జాబితా నుండి తొలగించాలన్న కేంద్రం నిర్ణయాన్ని కాంగ్రెస్ వ్యతిరేకిస్తుందని తెలిపారు. ప్రజలు దానిని తిరిగి స్వాధీనం చేసుకుంటారని పేర్కొన్నారు.
CJP Leaders Arrest | అభిజిత్ దీప్కే ధన్యవాదాలు
సీజేపీ నేతలకు మద్దతు తెలిపినందుకు రాహుల్ గాంధీ అభిజిత్ దీప్కే ధన్యవాదాలు తెలిపారు. ప్రధాన ఎన్నికల కమిషనర్ జ్ఞానేష్ కుమార్‌కు వ్యతిరేకంగా వివిధ వర్గాలు చేస్తున్న నిరసనలపై ప్రశ్నలు తలెత్తుతున్న నేపథ్యంలో, ఆ నిరసనలన్నీ ఒక్కటేనని రాహుల్ గాంధీ చెబుతున్నారు. జూలైలో, తాజా నిరసన సమయంలోనూ సీజేపీ నాయకత్వంతో వేదిక పంచుకోవడానికి రాహుల్ గాంధీ దూరంగా ఉండటంపై ప్రశ్నలు తలెత్తిన నేపథ్యంలో ఆయన వ్యాఖ్యలు చేయడం గమనార్హం.
ఇది కూడా చదవండి..: Air India Bomb Threat | ఎయిర్ ఇండియా విమానానికి బాంబు బెదిరింపు
