అక్షరటుడే, వెబ్డెస్క్ : Coliving Harassment Suicide | కోలివింగ్లో ప్రియుడి వేధింపులు తాళలేక యువతి ఆత్మహత్య చేసుకుంది. ఈ ఘటన హైదరాబాద్ నగరంలో చోటు చేసుకుంది.
పోలీసులు తెలిపిన వివరాల ప్రకారం.. గచ్చిబౌలి (Gachibowli)లోని ఎలైట్ కోలివింగ్ హాస్టల్లో మొల్లి దుర్గ, సాయికుమార్ కలిసి ఉంటున్నారు. వీరిద్దరు కొంతకాలంగా ప్రేమలో ఉన్నారు. హాస్టల్లో సహజీవనం చేస్తున్నారు. కాగా సాయికుమార్ డెలివరి ఎగ్జిక్యూటివ్గా పని చేస్తున్నాడు. యువతిపై అనుమానంతో మద్యం తాగి వచ్చి ఆమెను సాయికుమార్ వేధించేవాడు. దీంతో దీంతో వేధింపులు తాళలేక మనస్తాపంతో హాస్టల్ ఐదో అంతస్తు నుండి దూకి ఆత్మహత్య చేసుకుంది. దుర్గ కుటుంబ సభ్యుల ఫిర్యాదు మేరకు నిందితుడు సాయి కుమార్ను పోలీసులు అరెస్ట్ చేశారు.
Coliving Harassment Suicide | పెరుగుతున్న సంస్కృతి
హైదరాబాద్ (Hyderabad) నగరంలో కోలివింగ్, సహ జీవన సంస్కృతి పెరుగుతోంది. ఇప్పటి వరకు ప్రేమ పేరుతో యువతి యువకులు అప్పుడప్పుడే కలుసుకునేవారు. అయితే తాజాగా కోలివింగ్ హాస్టళ్లు అందుబాటులోకి రావడంతో కలిసి సహజీవనం చేస్తున్నారు. చదువు, ఉద్యోగాల కోసం నగరాలకు వచ్చిన యువత ఈ విష సంస్కృతికి అలవాటు పడి జీవితాలను నాశనం చేసుకుంటున్నారు. అలాగే పలువురు ఇంటి యజమానులు సైతం సహజీవనం చేసే జంటలకు ఇళ్లు రెంట్కు ఇస్తున్నారు. కోలివింగ్ హాస్టళ్లకు అనుమతులు ఇవ్వొద్దని పలువురు కోరుతున్నారు.
దీనిని కూడా చదవండి : House Arson | రుణదాత ఇంటికి నిప్పు.. నిందితుడి అరెస్టు
