అక్షరటుడే, వెబ్డెస్క్ : Constable Suicide | హైదరాబాద్ (Hyderabad) నగరంలోని మలక్పేటలో ఓ పోలీస్ కానిస్టేబుల్ ఆత్మహత్య చేసుకున్నాడు. మూసారాంబాగ్ శాలివాహన నగర్లో ఆదివారం రాత్రి ఈ ఘటన చోటు చేసుకుంది.
ముత్తె చంద్రశేఖర్ (35) అంబర్పేట్ హెడ్క్వార్టర్స్లో కానిస్టేబుల్ రైటర్గా విధులు నిర్వహిస్తున్నాడు. ఆదివారం రాత్రి ఆయన ఓ యువతికి వీడియో కాల్ చేశాడు. తాను ఆత్మహత్య చేసుకుంటున్నట్లు ఆమెకు చెప్పాడు. దీంతో వెంటనే ఆమె పోలీసులకు సమాచారం ఇచ్చింది. మలక్పేట పోలీసులు ఘటన స్థలానికి చేరుకునే లోపే చంద్రశేఖర్ ఉరి వేసుకున్నాడు.
Constable Suicide | కేసు నమోదు..
పోలీసులు మృతదేహాన్ని స్వాధీనం చేసుకొని పోస్టుమార్టం నిమిత్తం ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు. ఆయన మృతికి గల కారణాలు తెలియరాలేదు. పోలీసులు అన్ని కోణాల్లో విచారణ చేపట్టారు. కానిస్టేబుల్ మృతితో స్థానికంగా విషాదఛాయలు అములుకున్నాయి.
ఇది కూడా చదవండి..: Indiramma Towers | హైదరాబాద్లో ఇందిరమ్మ ఇళ్లపై కీలక అప్డేట్
