అక్షరటుడే, వెబ్డెస్క్ : Hyderabad Fire Accident | హైదరాబాద్ (Hyderabad) నగరంలోని మరో ఫర్నిచర్ దుకాణంలో అగ్ని ప్రమాదం చోటు చేసుకుంది. ఆసిఫ్ నగర్లోని ఎంజే ఫర్నిచర్ గోదాంలో గురువారం మధ్యాహ్నం పెద్ద ఎత్తున మంటలు చెలరేగాయి.
గోదాంలో లోపల నిల్వ ఉంచిన భారీ మొత్తంలో ఉన్న ఫర్నీచర్ స్టాక్ మంటల్లో చిక్కుకుని దగ్ధమైంది. రెండు అగ్నిమాపక వాహనాలు హుటాహుటిన ఘటనా స్థలానికి చేరుకోగా, మంటలను అదుపు చేసే పనులు కొనసాగుతున్నాయి. ఈ గోదాం అత్యంత జనసాంద్రత కలిగిన నివాస ప్రాంతంలో ఉంది.
Hyderabad Fire Accident | పెద్ద ఎత్తున మంటలు
ఎంజే క్లాసిక్ ఫర్నిచర్ గోదాంలో ఒక్కసారిగా మంటలు చెలరేగాయి. గోదాంలో ఉన్న కలప, పాలిష్ కెమికల్స్ వంటి వస్తువులతో మంటలు వేగంగా వ్యాపించాయి. దీంతో ఆ ప్రాంతంలో పెద్ద ఎత్తున పొగ అలుముకుంది. దీంతో స్థానికులు భయాందోళనకు గురయ్యారు. ఇళ్ల నుంచి బయటకు పరుగులు తీసి, అగ్ని మాపక సిబ్బందికి సమాచారం అందించారు.
Hyderabad Fire Accident | భారీ ఆస్తి నష్టం
ఈ ప్రమాదం జరిగిన బిల్డింగ్లోనే పైన రెండు అంతస్తుల్లో నివాస అపార్ట్మెంట్స్ ఉన్నాయి. దీంతో ప్రజలు మరింత ఆందోళన చెందారు. మంటలు పై వరకు వ్యాపిస్తే పెద్ద ఎత్తున ప్రాణనష్టం జరుగుతుందని భయపడ్డారు. అయితే అగ్ని మాపక సిబ్బంది ఘటన స్థలానికి చేరుకొని మంటలు వ్యాపించకుండా చర్యలు చేపట్టారు. అపార్ట్మెంట్లోని వారిని సురక్షితంగా బయటకు తీసుకొచ్చారు. ఈ ఘటనలో ఎలాంటి ప్రాణ నష్టం జరగలేదని సమాచారం. అయితే భారీగా ఆస్తి నష్టం జరిగింది. ఈ ప్రమాదంతో ఆసిఫ్ నగర్ ప్రధాన రహదారిపై ట్రాఫిక్ జామ్ అయింది.
Massive #fire breaks out at an #MJFurniture #warehouse in #AsifNagar.
Huge stock of #furniture stored inside the #godown was #engulfed in flames.
Two #fireengines rushed to the spot and firefighting operations are underway.
The warehouse is located in a densely… pic.twitter.com/4uBgBfgC2K
— NewsMeter (@NewsMeter_In) May 14, 2026
ఇది కూడా చదవండి : RI Caught by ACB | లంచం తీసుకుంటూ ఏసీబీకి చిక్కిన ఆర్ఐ
