అక్షరటుడే, వెబ్డెస్క్ : Divyastra Mk3 | భారత అమ్ములపొదిలో మరో అస్త్రం చేరనుంది. కావా యూఏవీ (Kawa UAV) ప్రైవేట్ లిమిటెడ్ దేశీయంగా అభివృద్ధి చేసిన తదుపరి తరం జెట్ శక్తితో పనిచేసే లోయిటరింగ్ మ్యూనిషన్ అయిన దివ్యాస్త్ర ఎంకే3ను విజయవంతంగా ప్రయోగించింది.
దివ్యాస్త్ర Mk3 ప్రయోగం తర్వాత ‘ఆత్మనిర్భర్ భారత్’ కార్యక్రమానికి ఇది ఒక కీలక మైలురాయి అని ఆ సంస్థ పేర్కొంది. జెట్-ఆధారిత ఖచ్చితమైన లక్ష్య ఛేదన వ్యవస్థలను తయారు చేసి, ప్రయోగించే సామర్థ్యం ఇప్పుడు భారత్కు ఉందని సంస్థ సహ-వ్యవస్థాపకులు తెలిపారు. దివ్యాస్త్ర Mk3 జెట్ ఇంజిన్ శక్తితో పనిచేస్తుంది. నిర్దిష్ట లక్ష్యాలపై ఖచ్చితమైన దాడులు చేస్తుంది. దివ్యాస్త్ర ఎంకే3 భారతదేశపు మొట్టమొదటి స్వదేశీ జెట్ శక్తితో పనిచేసే ఆయుధమని ఆదివారం సంస్థ తెలిపింది.
Divyastra Mk3 | గాలిలో ఉండి..
దివ్యాస్త్ర ఎంకే3 కొంత సమయం పాటు గాలిలో నిలిచి, లక్ష్యాన్ని గుర్తించిన తర్వాత దానిపై దాడి చేస్తోంది. దీనిని ‘కామికాజీ డ్రోన్’ అని పిలుస్తారు. ఆ సంస్థ ఏడాదిలోనే దీనిని అభివృద్ధి చేసింది. ఈ వ్యవస్థలో ఉపయోగించిన జెట్ ఇంజన్ కూడా దేశీయంగా తయారు చేసిందే. కావా యూఏవీ ప్రైవేట్ లిమిటెడ్ సహ-వ్యవస్థాపకులు మాట్లాడుతూ.. ఇది కేవలం ఒక పరీక్షా ప్రయోగం కాదని, భారతదేశ సాంకేతిక పరాక్రమానికి, స్వావలంబనకు నిదర్శనమని పేర్కొన్నారు.
#WATCH | Kawa UAV Pvt. Ltd. (HoverIt) conducts a successful flight of the Divyastra Mk3 — a next-generation, jet-powered loitering munition developed in India.
“This is not merely a test flight — it is a declaration of intent. India has demonstrated, at scale and at speed, that… pic.twitter.com/MbrMA5jBI1
— ANI (@ANI) August 16, 2026
దీనిని కూడా చదవండి : Ashish Banerjee Suicide | రాజకీయాల్లోకి వచ్చి తప్పు చేశా.. సూసైడ్ నోట్లో టీఎంసీ మాజీ ఎమ్మెల్యే
