Feel The Jail| చంచల్‌గూడలో ‘ఫీల్ ది జైల్’ షురూ.. ప్రారంభించిన గవర్నర్ శివప్రతాప్ శుక్లా

అక్షరటుడే వెబ్‌డెస్క్:Feel The Jail| సాధారణ పౌరులకు జైలు జీవితం ఎలా ఉంటుందో ప్రత్యక్షంగా చూపించేందుకు తెలంగాణ జైళ్ల శాఖ ఒక వినూత్న కార్యక్రమానికి శ్రీకారం చుట్టింది. ‘ఫీల్ ది జైల్’ (Feel the Jail) పేరుతో చంచల్‌గూడ సెంట్రల్ జైలు పరిసరాల్లో ఏర్పాటు చేసిన ఈ ప్రత్యేక సదుపాయాన్ని, జైలు మ్యూజియంను గవర్నర్ శివప్రతాప్ శుక్లా అధికారికంగా ప్రారంభించారు.

Feel The Jail | ఖైదీలా ఒక రోజు..

ఈ కార్యక్రమంలో భాగంగా కేవలం రూ. 500 చెల్లిస్తే 24 గంటల పాటు ఖైదీలా జైలులో గడిపే అవకాశం కల్పిస్తున్నారు. ఇది కేవలం సందర్శన మాత్రమే కాదు, ఒక ఖైదీ అనుభవించే జీవనశైలిని పూర్తిస్థాయిలో అనుభవించాల్సి ఉంటుంది. ఖైదీలకు ఇచ్చే విధంగానే యూనిఫాం, స్టీలు పళ్లెం, గ్లాసు, మగ్గు , సబ్బు వంటి ప్రాథమిక వస్తువులను అందిస్తారు. జైలు మెనూ ప్రకారం ఖైదీలకు వడ్డించే ఆహారాన్నే వీరికి కూడా వడ్డిస్తారు. ఉదయం నిద్రలేవగానే జైలు గంట కొట్టిన దగ్గర నుండి, రాత్రి లాకప్ వరకు ఖైదీలు పాటించే కఠిన నియమ నిబంధనలను వీరు కూడా పాటించాల్సి ఉంటుంది.

Feel The Jail | మధ్యలో బయటకు రావాలంటే..

జైలు వాతావరణాన్ని తట్టుకోలేక 24 గంటల గడువు ముగియకముందే బయటకు రావాలనుకుంటే రూ. 1,000 జరిమానా చెల్లించాల్సి ఉంటుందని అధికారులు స్పష్టం చేశారు. ఈ ప్రారంభోత్సవ కార్యక్రమంలో జైళ్ల శాఖ డీజీ (DG Prisons) సౌమ్య మిశ్రా (IPS) , ఇతర ఉన్నతాధికారులు పాల్గొన్నారు. జైలు మ్యూజియం ద్వారా జైళ్ల చరిత్రను వివరించడంతో పాటు, ప్రజలకు చట్టం పట్ల గౌరవం పెంచడం , క్రైమ్ రేటును తగ్గించడమే ఈ కార్యక్రమ ప్రధాన ఉద్దేశ్యం అని అధికారులు తెలిపారు.

#Telangana | Governor Shiv Pratap Shukla inaugurated “Feel the Jail” and the Jail Museum at Chanchalguda Central Jail in Hyderabad. DG Prisons Soumya Mishra, IPS and senior officials attended the event. pic.twitter.com/WxsYCBkbT3

— Gummalla Lakshmana (@GUMMALLALAKSHM3) May 12, 2026

ఇది కూడా చదవండి: NEET UG Cancelled | నీట్​ పరీక్ష రద్దు.. సంచలన నిర్ణయం తీసుకున్న ఎన్టీఏ