Finance Representatives Attack | ఫైనాన్స్​ కంపెనీ ప్రతినిధులపై దాడి.. ఇద్దరి అరెస్టు

ప్రైవేట్​ కంపెనీ ప్రతినిధులపై దాడి చేసిన కేసులో ఇద్దరు వ్యక్తులను పోలీసులు అరెస్ట్​ చేశారు.

shashi kiran Mottala

అక్షరటుడే, నిజామాబాద్​ సిటీ: Finance Representatives Attack | ప్రైవేట్​ కంపెనీ ప్రతినిధులపై దాడి చేసిన కేసులో ఇద్దరు వ్యక్తులను పోలీసులు అరెస్టు​ చేశారు. ఈ మేరకు నిజామాబాద్​ నగరంలోని (Nizamabad) ఆరో టౌన్​ ఎస్​హెచ్​వో సందీప్​ వివరాలు వెల్లడించారు.

Finance Representatives Attack | ఆటోనగర్​లో..

పోలీసులు తెలిపిన వివరాల ప్రకారం.. నగరంలోని ఆటోనగర్​లో నివాసముండే షేక్​ సబీ వదిన ఆర్​బీఎల్​ ఫైనాన్స్​ కంపెనీ (RBL FINANCE COMPANY), సాటిన్​ క్రెడిట్​ కేర్​ కంపెనీ లిమిటెడ్​కు (SATIN CREDIT CARE. Ltd) డబ్బులు పెండింగ్​లో ఉన్నారు.

ఈ క్రమంలో ఆయా కంపెనీల ప్రతినిధులు రాకేష్​, రాజులు ఆమె ఇంటికి వెళ్లారు. డబ్బులు కట్టాలని ఆమెను అడుగుతుండగా.. నిందితుడు షేక్​ సబీ, తండ్రి షేక్​ సలీంలు వారిపై దాడికి పాల్పడ్డారు.

వీరిని హత్య చేస్తే డబ్బులు కట్టే అవసరం ఉండదని పేర్కొంటూ వారిరువురిపై సబీ, సలీంలు కత్తితో దాడి చేశారు. ఈక్రమంలో రాకేష్​, రాజులకు తీవ్ర గాయాలయ్యాయి.

దీంతో బాధితులు ఆరో టౌన్​లో ఫిర్యాదు చేయగా.. పోలీసులు నిందితులిద్దరిని అదుపులోకి తీసుకున్నారు. వారిపై హత్యాయత్నం కేసు నమోదు చేసి రిమాండ్​కు తరలించామని ఎస్​హెచ్​వో తెలిపారు.

ఇది కూడా చదవండి: సింగరేణి బొగ్గు వదిలేసి..విదేశాల బొగ్గు ఎందుకు..? 

తెలుగు జర్నలిజంలో 20 ఏళ్లకు పైగా అనుభవం ఉంది. 2005లో ‘వార్త’ దినపత్రికలో స్పోర్ట్స్​ రిపోర్టర్​గా పనిచేశాను. అనంతరం రెండేళ్ల పాటు సబ్​ఎడిటర్​గా విధులు నిర్వహించాను. 2010లో ‘సాక్షి’ జర్నలిజం స్కూల్​లో శిక్షణ పొందాను. అనంతరం ‘సాక్షి’ దినపత్రికలో సబ్​ఎడిటర్​గా చేరాను. సీనియర్​ సబ్​ ఎడిటర్​గా ప్రమోషన్​ పొందాను. 2024 నవంబర్​ నుంచి ‘అక్షరటుడే’లో చీఫ్​ సబ్​ ఎడిటర్​గా పనిచేస్తున్నాను. పొలిటికల్​, స్థానికం, జనరల్​, క్రైం, వైరల్​ ఆర్టికల్స్​ ఎక్కువగా రాస్తుంటాను.
1 Comment

Leave a Reply

Your email address will not be published. Required fields are marked *