అక్షరటుడే, నందిపేట్: Free School Shoes | సమాజ సేవే లక్ష్యంగా ముందుకు సాగుతున్న చిత్రా బండి రవి దంపతులు మరోసారి తమ మానవత్వాన్ని చాటుకున్నారు.
నందిపేట్ మండలం వన్నెల కే గ్రామంలోని ప్రభుత్వ పాఠశాలలో చదువుతున్న 145 మంది నిరుపేద విద్యార్థులకు వారు నాణ్యమైన స్కూల్ షూస్ను ఉచితంగా పంపిణీ చేసి ఆదర్శంగా నిలిచారు.
Free School Shoes | మూడు నెలల వేతనంతో..
ప్రభుత్వ పాఠశాలలోని హైస్కూల్, ప్రాథమిక పాఠశాల విద్యార్థులను కలిపి మొత్తం 145 మందికి షూస్ అందజేశారు. విద్యార్థుల అవసరాలను గుర్తించి, వారికి అండగా నిలవాలనే ఉద్దేశంతో రవి దంపతులు తమ గత మూడు నెలల జీతాన్ని ఈ సేవా కార్యక్రమానికి వెచ్చించడం విశేషం.
Rajiv Jyothi Sadbhavana Yatra | నిజామాబాద్కు చేరుకున్న రాజీవ్ జ్యోతి సద్భావన యాత్ర
ఈ సందర్భంగా రవి దంపతులు మాట్లాడుతూ.. “పిల్లల విద్యాభివృద్ధికి మా వంతు సహకారం అందించడం మా కుటుంబానికి దక్కిన గొప్ప గౌరవంగా భావిస్తున్నాం. విద్యార్థుల చదువుకు ఏ చిన్న సహాయం చేసినా అది వారి భవిష్యత్తుకు ఉపయోగపడుతుంది” అని పేర్కొన్నారు.
విద్యార్థులకు షూస్ పంపిణీ చేయడం పట్ల పాఠశాల ఉపాధ్యాయులు, గ్రామ పెద్దలు రవి దంపతులను అభినందించారు. తమ సంపాదనలో కొంత భాగాన్ని విద్యార్థుల సంక్షేమం కోసం వినియోగించడం అభినందనీయమని, సమాజంలోని ప్రతి ఒక్కరూ సేవా కార్యక్రమాల్లో భాగస్వాములు కావడానికి ఇది స్ఫూర్తినిస్తుందని కొనియాడారు.
నిరుపేద విద్యార్థుల అవసరాలను గుర్తించి, తమ శ్రమార్జితాన్ని వారి భవిష్యత్తు కోసం వినియోగించిన రవి దంపతుల సేవాభావం పలువురికి ఆదర్శంగా నిలిచింది.
