అక్షరటుడే, వెబ్డెస్క్: FRO Suspended | స్మగ్లర్ల నుంచి స్వాధీనం చేసుకున్న రూ. 50 లక్షల విలువైన సిగరెట్లను ఓ అధికారి విక్రయించాడు. ప్రజారోగ్యానికి హానీ కలిగించే సిగరెట్లను ధ్వంసం చేయాల్సిన ఆయన.. వాటిని విక్రయించి అక్రమ దందాకు తెరలేపాడు. ఈ విషయం వెలుగులోకి రావడంతో అధికారులు ఆయనపై వేటు వేశారు.
చెన్నై నుంచి అన్నమయ్య జిల్లాలోని రాయచోటికి ఈ సిగరెట్ల సరుకును అక్రమంగా తరలిస్తుండగా అధికారులు పట్టుకున్నారు. సుమారు ఏడాది క్రితం, భాకరాపేట అటవీ శాఖ చెక్పోస్ట్ వద్ద అటవీ అధికారులు ఈ సరుకును అడ్డుకుని, సుమారు రూ. 50 లక్షల విలువైన సిగరెట్ల ప్యాకెట్లను స్వాధీనం చేసుకున్నారు. ఈ స్వాధీన ప్రక్రియను ఫారెస్ట్ రేంజ్ అధికారి వెంకటరమణే నిర్వహించారు. స్వాధీనం చేసుకున్న సరుకును అధికారికంగా భద్రపరచడానికి బదులుగా రహస్యంగా ఇతరులకు ఆయన విక్రయించాడు.
FRO Suspended | డిప్యూటీ సీఎం ఆదేశాలతో..
తిరుపతిలోని జీవకోనకు చెందిన జి. మునిగోపాల్ అనే వ్యక్తి ఈ వ్యవహారంపై ఫిర్యాదు చేశాడు. దీంతో ఈ విషయం ఉప ముఖ్యమంత్రి పవన్ కళ్యాణ్ (Pawan Kalyan) దృష్టికి వచ్చింది. దీంతో అధికారులు విచారణ జరిపారు. స్వాధీనం చేసుకున్న సిగరెట్లను ఎఫ్ఆర్వో వెంకటరమణ ఇతరులకు విక్రయించినట్లు విచారణలో తేలింది. ఈ వివరాల ఆధారంగా, రాష్ట్ర అటవీ శాఖ ప్రిన్సిపల్ చీఫ్ కన్జర్వేటర్ వెంకటాచలపతి ఆయనను సస్పెండ్ చేస్తూ ఉత్తర్వులు జారీ చేశారు.
ఇది కూడా చదవండి..: Pawan Kalyan Telangana Strategy | పవన్ కళ్యాణ్ తెలంగాణ ‘మిషన్’: Gen-Z మంత్రం వర్కవుట్ అవుతుందా?
