అక్షరటుడే వెబ్డెస్క్: Godrej Udaan Program | దేశంలోని సూక్ష్మ, చిన్న, మధ్యతరహా పరిశ్రమల (MSME) సామర్థ్యాన్ని పెంపొందించడం ద్వారా భారతీయ తయారీ రంగాన్ని మరింత పటిష్టం చేసేందుకు గోద్రెజ్ ఎంటర్ప్రైజెస్ గ్రూప్ (GEG) ముందుకు వచ్చింది. కాన్ఫెడరేషన్ ఆఫ్ ఇండియన్ ఇండస్ట్రీ (CII) భాగస్వామ్యంతో ప్రతిష్టాత్మకమైన ‘ఉడాన్’ (Udaan) అనే పరిశ్రమ నేతృత్వంలోని సప్లయర్ సామర్థ్య పెంపు కార్యక్రమాన్ని ప్రారంభించింది. ఈ ఇనిషియేటివ్కు ఉత్తరప్రదేశ్లోని అలీగఢ్ తొలి వేదికగా నిలిచింది.
Godrej Udaan Program | 10 నగరాలకు విస్తరణ..
పెద్దఎత్తున చేపట్టనున్న ఈ సప్లయర్ కెపాసిటీ బిల్డింగ్ ప్రోగ్రామ్ను దేశవ్యాప్తంగా మొత్తం 10 నగరాలకు విస్తరించనున్నారు. ఇందులో భాగంగా అలీగఢ్ పరిసర ప్రాంతాల సరఫరా భాగస్వాములను ఒకచోట చేర్చి, ఆపరేషనల్ ఎక్సలెన్స్, వనరుల ఉత్పాదకత, సహకారం , ప్రపంచ పోటీతత్వాన్ని పెంపొందించే అంశాలపై ‘టోటల్ ప్రొడక్టివ్ మెయింటెనెన్స్’ (TPM) విధానంలో శిక్షణ ఇస్తారు.
సీఐఐ ప్రతినిధులు , పరిశ్రమ నిపుణుల ఆధ్వర్యంలో నిర్వహించే త్రైమాసిక సమీక్షలు, క్రమమైన అంచనాలు, ఫ్యాక్టరీ ఆడిట్ల ద్వారా ఈ కార్యక్రమంలో సాధించే పురోగతిని పర్యవేక్షిస్తారు. ఈ కోర్సును విజయవంతంగా పూర్తి చేసిన సప్లయర్ భాగస్వాములకు గోద్రెజ్ ఎంటర్ప్రైజెస్ గ్రూప్ , సీఐఐ సంయుక్తంగా అధికారిక గుర్తింపును అందజేయనున్నాయి.
Godrej Udaan Program | పరిశ్రమలో నూతన ఒరవడి..
హార్డ్వేర్ పరిశ్రమలో ఒక నిర్మాణాత్మక టీపీఎం (TPM) ఎక్సలెన్స్ కార్యక్రమాన్ని తన సప్లయర్ ఎకోసిస్టమ్కు విస్తరించిన మొదటి కొన్ని కంపెనీలలో గోద్రెజ్ ఎంటర్ప్రైజెస్ గ్రూప్ నిలిచింది. దేశాన్ని గ్లోబల్ మ్యానుఫ్యాక్చరింగ్ హబ్గా మార్చాలనే భారత్ ఆశయానికి తోడ్పడేలా బలమైన, అత్యంత పోటీతత్వంతో కూడిన సప్లై చైన్ను నిర్మించడమే ఈ కార్యక్రమ ప్రధాన ఉద్దేశం.
ఈ సందర్భంగా గోద్రెజ్ ఎంటర్ప్రైజెస్ గ్రూప్ సెక్యూరిటీ సొల్యూషన్స్ బిజినెస్ హెడ్ పుష్కర్ గోఖలే మాట్లాడుతూ, గత 129 సంవత్సరాలుగా దేశ నిర్మాణమే తమ ప్రయాణానికి మూలస్తంభమని, కేవలం సొంత వృద్ధి మాత్రమే కాకుండా విస్తృత వ్యవస్థను బలోపేతం చేసే బాధ్యత వ్యాపారాలపై ఉందని పేర్కొన్నారు. అలాగే సీఐఐ ఇన్స్టిట్యూట్ ఆఫ్ క్వాలిటీ చీఫ్ మేజర్ నీల్ కాస్టెలినో మాట్లాడుతూ, భారతీయ తయారీ రంగ వ్యవస్థకు ఎంఎస్ఎంఈలు హృదయం లాంటివని, వాటి సామర్థ్యాలను బలోపేతం చేయడం అత్యంత కీలకమని తెలిపారు.
Godrej Udaan Program | గత అనుభవాలు..
పాల్గొంటున్న సప్లయర్ భాగస్వాములను గోద్రెజ్ ఎంటర్ప్రైజెస్ గ్రూప్ గత ఆరు సంవత్సరాలుగా నిరంతరం ప్రోత్సహిస్తూ వస్తోంది. పార్ట్నర్షిప్ కాంపిటిటివ్నెస్ ప్రోగ్రామ్ (PCP) విజయవంతంగా పూర్తి చేసి, జీరో డిఫెక్ట్ జీరో ఎఫెక్ట్ (ZED) సర్టిఫికేషన్, లీన్ మ్యానుఫ్యాక్చరింగ్ సర్టిఫికేషన్ పొందిన సంస్థలే ఇప్పుడు ఉడాన్ ద్వారా తదుపరి దశకు చేరుకుంటున్నాయి. కాగా, అలీగఢ్లో ఎంఎస్ఎంఈ వ్యవస్థను బలోపేతం చేయడానికి చేసిన నిరంతర కృషికి గుర్తింపుగా గోద్రెజ్ ఎంటర్ప్రైజెస్ను ‘లఘు ఉద్యోగ భారతి’ సంస్థ ‘Outstanding Contribution to MSME Development in Aligarh’ పురస్కారంతో సత్కరించింది.
ఇది కూడా చదవండి: Nizamabad IT Tower | ఐటీ టవర్ను సందర్శించిన కలెక్టర్ భవేష్ మిశ్రా
