అక్షరటుడే, వెబ్డెస్క్: Gold Ganesha Idol | వినాయక చవితి వచ్చిందంటే హైదరాబాద్ Hyderabad మహా నగరం భక్తిశ్రద్ధలతో ముస్తాబవుతుంది. ప్రతి గణేష్ Ganeshమండపం తనదైన ప్రత్యేకతను చాటుకుంటుంది.
అయితే ఈ ఏడాది బేగంబజార్లోని ఫీల్ఖానాలో కొలువుదీరిన లంబోధరుడు మాత్రం భక్తులను విశేషంగా ఆకర్షిస్తున్నాడు. బంగారు కాంతులు వెదజల్లుతూ, వజ్రాల మెరుపులతో దర్శనమిస్తున్న ఈ స్వర్ణ గణపతి గణేష్ ఉత్సవాల్లో ప్రత్యేక ఆకర్షణగా నిలుస్తున్నాడు.
Gold Ganesha Idol | మూడున్నర కిలోల బంగారం.. వజ్రాల వెలుగులు
ఫీల్ఖానాలో ఏర్పాటు చేసిన ఈ ప్రత్యేక వినాయక విగ్రహాన్ని ఏకంగా మూడున్నర కిలోల బంగారంతోపాటు మూడు లక్షల వజ్రాలతో రూపొందించినట్లు నిర్వాహకులు తెలిపారు. విగ్రహాన్ని దర్శించుకునేందుకు భక్తులు ఆసక్తిగా తరలివస్తున్నారు. బంగారం, వజ్రాల మెరుపుల నడుమ గణనాథుడి దివ్య రూపం భక్తులకు కనువిందు చేస్తోంది.
Gold Ganesha Idol | 16 మంది కళాకారుల ఎనిమిది నెలల శ్రమ..
ఈ విగ్రహం రూపుదిద్దుకోవడం వెనుక ఎనిమిది నెలల సుదీర్ఘ శ్రమ దాగి ఉంది. 16 మంది కార్మికులు ఎనిమిది నెలల పాటు శ్రమించి ఈ కళాఖండాన్ని తీర్చిదిద్దారు. ఆధ్యాత్మిక విశ్వాసానికి కళానైపుణ్యం జోడించి రూపొందించిన ఈ విగ్రహం వెనుక కళాకారుల నైపుణ్యం, ఓర్పు, అంకితభావం ఎంతో ఉంది.
Gold Ganesha Idol | భక్తికి ప్రతిరూపంగా
బంగారం, వజ్రాల వైభవం చూపరులను ఆకట్టుకున్నప్పటికీ.. గణనాథుడి దర్శనంలో అంతర్లీనంగా ఉన్నది భక్తి, విశ్వాసం, ఆధ్యాత్మికత. విఘ్నాలను తొలగించి జ్ఞానం, శుభం, ఐశ్వర్యం ప్రసాదించే విఘ్నేశ్వరుడిని అత్యంత వైభవంగా కొలువుదీర్చి భక్తులు తమ ఆధ్యాత్మిక విశ్వాసాన్ని చాటుకుంటున్నారు.
NCP MPs BJP | బీజేపీకి బిగ్ బూస్ట్?.. 17 మంది NCP ఎంపీలు కాషాయ గూటికి.. లోక్సభలో 257కి బలం!
వినాయకుడి విగ్రహం ఎంత విలాసవంతంగా ఉన్నా.. ఆయన ముందు భక్తితో ముడుచుకునే చేతులు, కోరుకునే మనసులు, పలికే “గణపతి బప్పా మోరియా” నినాదాలే ఈ ఉత్సవానికి అసలైన అందం.
Gold Ganesha Idol | ఈ ఏడాది ఉత్సవాల్లో హైలెట్
బేగంబజార్ ఫీల్ఖానాలో కొలువైన ఈ బంగారు-వజ్రాల వినాయకుడు ఈ ఏడాది హైదరాబాద్ గణేష్ ఉత్సవాల్లో హైలెట్గా నిలుస్తున్నాడు. స్వర్ణ కాంతులతో మెరిసే గణనాథుడిని దర్శించుకునేందుకు భక్తులు ఆసక్తి చూపుతుండటంతో ఫీల్ఖానా ప్రాంతం ఆధ్యాత్మిక సందడితో కళకళలాడుతోంది. స్వర్ణ వైభవంతో కొలువైన విఘ్నేశ్వరుడి దర్శనం.. భక్తుల హృదయాల్లో భక్తి భావాన్ని మరింత పరిమళింపజేస్తోంది.
