India vs New Zealand Test | కివీస్​తో తొలిటెస్ట్​.. భారత్​ భారీ స్కోర్​

న్యూజిలాండ్​తో జరుగుతున్న తొలి టెస్ట్​లో మూడో రోజు ఆట ముగిసే సమయానికి భారత్​ 4 వికెట్ల నష్టానికి 486 పరుగులు చేసింది.

shashi kiran Mottala

అక్షరటుడే, వెబ్​డెస్క్: India vs New Zealand Test | న్యూజిలాండ్​తో జరుగుతున్న తొలి టెస్ట్​లో భారత బ్యాటర్లు చెలరేగి ఆడారు. దీంతో మూడో రోజు ఆట ముగిసే సమయానికి భారత జట్టు 4 వికెట్ల నష్టానికి 486 పరుగులు చేసింది.

న్యూజిలాండ్​ పర్యటనలో భాగంగా ఇప్పటికే భారత్​ (India) టీ20, వన్డే సిరీస్​లు కైవసం చేసుకుంది. టెస్ట్​ల్లో సైతం గెలిచి అన్ని సిరీస్​లను క్లీన్​ స్వీప్​ చేయాలని చూస్తోంది. ఈ మేరకు భారత ఆటగాళ్లు తొలి ఇన్నింగ్స్​లో భారీ స్కోర్​ దిశగా సాగుతున్నారు. న్యూజిలాండ్​ 368 పరుగులకు ఆలౌట్​ కాగా.. భారత్​ 159/1 ఓవర్​ నైట్​ స్కోర్​తో మూడో రోజు ఆట ప్రారంభించింది. కేఎల్ రాహుల్​ (135) సెంచరీతో రాణించాడు. సేనా దేశాల్లో తొలి సెంచరీ చేసిన ఓపెనర్​గా నిలిచాడు.

India vs New Zealand Test | గిల్​ కెప్టెన్​ ఇన్నింగ్స్​

కెప్టెన్​ శుభ్​మన్​ గిల్​ 98 పరుగులతో రాణించాడు. మ్యాచ్​ ముగిసే కొద్ది సమయానికి ముందు అతడు జాకోబ్​ బౌలింగ్​లో బౌల్డ్​ అయ్యాడు. పడికల్​ 80 పరుగులు చేసి ఔట్​ అయ్యాడు. రిషబ్​ సైతం హాఫ్​ సెంచరీతో చెలరేగాడు. దీంతో భారత్​ భారీ స్కోర్​ దిశగా సాగుతోంది. ఆట ముగిసే సమయానికి భారత్​ నాలుగు వికెట్లు కోల్పోయి 486 పరుగులు చేసింది. క్రీజులో రిషబ్ పంత్​ (55), అంకుశ్​ కాంబోజ్​ ఉన్నారు. భారత్ 118 పరుగుల ఆధిక్యంలో ఉంది.

ఇది కూడా చదవండి..: Suryakumar Yadav | మోదీని కలిశాకే నా లక్ మారింది: సూర్యకుమార్ యాదవ్

తెలుగు జర్నలిజంలో 20 ఏళ్లకు పైగా అనుభవం ఉంది. 2005లో ‘వార్త’ దినపత్రికలో స్పోర్ట్స్​ రిపోర్టర్​గా పనిచేశాను. అనంతరం రెండేళ్ల పాటు సబ్​ఎడిటర్​గా విధులు నిర్వహించాను. 2010లో ‘సాక్షి’ జర్నలిజం స్కూల్​లో శిక్షణ పొందాను. అనంతరం ‘సాక్షి’ దినపత్రికలో సబ్​ఎడిటర్​గా చేరాను. సీనియర్​ సబ్​ ఎడిటర్​గా ప్రమోషన్​ పొందాను. 2024 నవంబర్​ నుంచి ‘అక్షరటుడే’లో చీఫ్​ సబ్​ ఎడిటర్​గా పనిచేస్తున్నాను. పొలిటికల్​, స్థానికం, జనరల్​, క్రైం, వైరల్​ ఆర్టికల్స్​ ఎక్కువగా రాస్తుంటాను.
Leave a Comment

Leave a Reply

Your email address will not be published. Required fields are marked *