అక్షరటుడే, వెబ్డెస్క్: Iran UAE drone attack | పశ్చిమాసియాలో భద్రతా పరిస్థితులు మరోసారి ఆందోళన కలిగిస్తున్నాయి. అమెరికా–ఇరాన్ మధ్య చర్చలకు దారులు మూసుకుపోయిన నేపథ్యంలో.. యునైటెడ్ అరబ్ ఎమిరేట్స్లోని ఫుజైరా ఎనర్జీ కేంద్రంపై ఇరాన్ నిర్వహించిన డ్రోన్ దాడి ఉద్రిక్తతలను మరింత పెంచింది.
Iran UAE drone attack | భారీ అగ్ని ప్రమాదం
ఈ ఘటన గ్లోబల్ ఇంధన మార్కెట్లు, అంతర్జాతీయంగా రాజకీయ సమీకరణాలపై ప్రభావం చూపే ప్రమాదాలు కనిపిస్తున్నాయి. యూఏఈ తూర్పు తీరంలో ఉన్న ఫుజైరా ఆయిల్ ఇండస్ట్రీ జోన్పై జరిగిన దాడి వల్ల భారీ అగ్ని ప్రమాదం సంభవించింది.
ప్రాథమిక సమాచారం ప్రకారం, కొన్ని మిసైళ్లను గగనతల రక్షణ వ్యవస్థలు అడ్డుకున్నప్పటికీ, ఒక డ్రోన్ లక్ష్యాన్ని తాకినట్లు అధికారులు వెల్లడించారు.
Iran UAE drone attack | ప్రత్యామ్నాయ మార్గంగా
ఫుజైరా ప్రాంతం వ్యూహాత్మకంగా గల్ఫ్లో అత్యంత కీలకమైనది. హార్ముజ్ జలసంధి అవసరం లేకుండా.. చమురు రవాణాకు ప్రత్యామ్నాయ మార్గంగా దీనిని వినియోగిస్తారు. ఈ నేపథ్యంలో ఇక్కడి మౌలిక సదుపాయాలపై దాడి జరగడం ప్రపంచ ఇంధన సరఫరాపై ప్రత్యక్షంగా ప్రభావం చూపే ఘటనగా భావిస్తున్నారు.
దాడి తర్వాత, ఇరాన్కు చెందిన Islamic Revolutionary Guard Corps (IRGC) తీవ్ర హెచ్చరికలు చేసింది. త్వరలోనే “కొత్త దశ” ప్రారంభమవుతుందని పేర్కొంది. శత్రువుల మౌలిక వ్యవస్థలను లక్ష్యంగా చేసుకుంటామని స్పష్టం చేసింది. ఈ తాజా ప్రకటన ప్రాంతీయ ఉద్రిక్తతలను మరింత పెంచే ప్రమాదం ఉందని విశ్లేషకులు భావిస్తున్నారు.
